|
XXV
Ezerk ez zuen geldieraziko
zaldien indarra
geiegikeritik. Lertuko balitz,
utzi zak igarotzen.
Moxal auen laisterkak
ez du iraungo.
Mokor auen brinkoak puskatzen
dira itsasoan.
Euriaren txorabioa,
oiñaztuaren abotsa.
Trumoi geitua
aldats beera.
Laiñoak zabaltzen du illuna
aruntzago
Mendi Aundiko muiñoak
gordetzen zituzten mugetatik.
Zaparradaren errazoi eroak
gaizki entzuten diranak.
Baiña, bear bada, beretan sentitzen genun
oiñaze bat oso gizatiarra. |