|
XXVII
Euriaren abotsera
ixildu ziren
gauan mintzo diran
bizi txikiak.
Egualdi ona danean,
illunaren sakonean
biltzen dira. Ekiñaz,
oso begiratuki, mee,
era-bereko, poliki
azken gabeko alkarrizketan.
Aizerik meena, astamenda,
errekatxuko ura eta kilkerra
billatuta biltzen dira
bide ber-berean
surmur neurrizko,
ixiltasun trankillean.
Euriak gau guzian
itsas-bazterra iñor-gabe
utziko balu bezala,
gaur ezin dut entzun. |