Nere maitatzeko gutiziak

maite ezin ezina

sortzen du.

Bizitzeko gutiziak

herioa.

Kaiua neure besoetan

hartu nuen

eta bere hegoek

ez zuten

gehiago

hegan egin.

Zure begia

laztantzen ari nintzen

eta ezpain artean

urtu egin zitzaidan,

zure begia.

Hala ere baporea,

beti!

portura heltzen da.

Eta

nik daramat

denboraren indarra,

kaiuari zor diodan

maitasuna gatik.

© Amaia Lasa Alegria