Kapitan Laxari

Xori zuzen

xori dantzari,

zuk

ikusten gaituzu

nola ibiltzen garen

beti,

pauso motelak ematen.

Xori zuzen,

ez bitez

zure begi borobilak

borobil zuzenak,

harri;

ikusirik

gure izpiritu galduak,

gure buru zorabiatuak,

gure beso luze eroriak,

gure maitasun tristeak,

gure gorputz motelduak,

gure bur-muinak lehortuta.

Xori zuzen,

aldapa behera bagoaz,

aldaparen poderioz

behera mugituak.

Beti     Behera,

aldapa behera

behera bagoaz

behera.

Itsasoarekin topo egin arte.

© Amaia Lasa Alegria