Hutsik dauden itsasoetan

igeri egiten utzi didate.

Haizerik gabeko zeruetan

arnasa hartzea behartzen naute.

Nere begiek

itotakoaren begiekin

so, egiten dutenean,

argiz betetako kolorez

inguratzen naute.

Nere gorputza

hilotz bihurtuz gero,

jantzi liluragarriz apaindu didate.

Pentsaturik,

nere besoak

nere behatzak

ez direla gehiago mugituko,

beren eskuak

eskaini dizkidate.

Eta

nik

besoak moztu dizkiet.

© Amaia Lasa Alegria