Gonak erori zaizkigu

eta galtzak jantzi ezinik gabiltza.

Lehen zen histeria

izan zen misterioa

ez dugu berri paranoia

argitzen ari da historia.

Begiak zabaldu nituenean

ez nekien

zure begiak ala zerua

zen.

Urdina zen,

zure begien kolorea.

Zerua,

zure begien urdina zen.

Lasaitu da histeria

larritu historia.

Sabela eta Burua

batera

beti betirako hustuak.

Gonak erori zaizkigu

galtzak jantzi ezinik gabiltza,

galtzak ote gure jantzi bakarra?

Ez da argitu misterioa.

© Amaia Lasa Alegria