HAIGU

adatsa askatzen du emakume beltzaranak

besoa luzatzen duen eskalearen antzera

gaueko doinuen saminaren arauera

Harlem osoa hemen Parisen Jazz Band

nigar eta algara zotinka

pianista eta dontzeilak

emegaldu eta komikoak

kez eta izerdiz beterik kabareta

argiz ere ametsarenak diren argi eroez

oi pinpilipausa dirdiratsuok

oi artista kexatiok oi arrats odolduok

artega eta hegatsez milaka xorinoren itzalak

izarlokak ere hormetan barrena

begi ausart biko neskatilak

zeta gorrizko gona altzatu eta

haigu erraiten derautzu

keinu bildu eta amultsu batekin

eta bazoaz balantzaka

© Joseba Sarrionandia