BALBEA

hilobiak igurikatzen zaitu

bidearen amaieran

astiro ioan zaitezke

atsedenaldiak ere har ditzakezu

etsi gabe

igurikaturen baitzaitu

gaubeldurrez ezpata izterrean

zaintzen duen

gerlariaren antzera

zaitu zaintzen

balbeak

hilobiak igurikatzen zaituen lekutik

eta iristean

musua emanen dautzute

marrubi erdibitua diren

balbearen ezpainek

betirako ohantzean

etzanaraz orduko

© Joseba Sarrionandia