EPIGRAMAK

            XXXIII

Geroago eta sumatzenago

adinaren nekadura

geroago eta sumatzenago

nekadurarekin buruhezurra

            XXXIV

amak hegazti herabeen antzera

lurralde hurrunetako atarietan zain

erroiek orraztu zuten luzaroan

haien semeen urrezko adatsa

            XXXV

eguzki gorriaren aldamenean

eguratsa urdinean

enarak hegatsez

ortzadarraren harietan

            XXXVI

goiztirian eguzkia leinuru

so herabeak elkarri

batak bestea elkar

janzten duen artean

            XXXVII

elur malutak erortzen ari

ene buruari galdetzen deraukot

zer lili moeta denentz

zeharka erortzen den hau

            XXXVIII

eguzkirik gabe ere

hara han zuhaitz zaharren itzalak

gure iloben ilobek ere ez dituzte

erorian ezagutuko

            XXXIX

sakonki bizi izandu nauzu

ile beltzaranetik de zurira arte

aineza orain

itzultzeko xendera kausi

            XL

zapaltzerakoan aihenaka lehertzen dira

orri oriak oihanean

emeki doa ibaian behera

xalupa suak hartua

© Joseba Sarrionandia