IRAGAN DIRA HORIK ORO

Iragan dira horik oro

deusez egina den itzala aldentzen den bezala.

Itsasoko uhainetan doan ontziaren gisa

—haren brankaren hatzik ezin daiteke kausi—,

aidean hegaldatzen den xorinoaren pare

—haren hegalek harroturiko haizea berbatu eta—,

zaurira iristen den geziaren antzera

—haren bideak haztarrenik gabe urratzen du aidea—.

Nondibaitetik norabaitera korrika doan mezularia irudi

iragan dira horik oro

gure begininietan arrasto tipi bat,

elorri xuri tipi bat utzirik.

© Joseba Sarrionandia