IX

farola baten azpian

ideia

eta musu batzuen arnasa

haizeak darama

inor konturatu gabe.

desio desesperatuen

indarrak

agindu du

behin eta betikoz

ezpain batzuen ertzean.

boza, arima

eta udazkeneko boladak dakarren

usoa

batean bildu dira

ondartza ondoan

farola baten azpian.

haizearen eskuetan utzi dute

amodioaren eskaintza

farola berdearen argi motela

lekuko dutela.

haizeak

egin die promes

berriz ere eginen dutela

amets

inor konturatu gabe

lurbira osoari

buelta ematean

farola baten azpian

eta datorren udazkenean,

etorriko direla

haize bolada hobeak

lehortuz malkoak

laztanduz ileak.

© Mikel Arregi