XXVI

ene poesia

eta pentsamentua

aleluia tristeak dira.

munduarekin lotzen nauen katea

ene bide eta fedea

aleluia tristeak dira.

aleluia tristea da

ez dakit zeinek

jarritako eguzkia.

nora ezean

nora ezera ere

aleluia tristea da.

atzoko ametsa

goizerako deus ez zena

neri gertatu zaidana

dena

aleluia tristea da.

nere,

zure,

haren

ezinegona,

gizona,

aleluia tristea da.

zintzilik ezinez daramaguna

gure aurrekoengandik

dakargun pisu astuna

aleluia tristea da.

kanposantua,

koroi eta lore ihartuen merkatua

zipres bakartien maitalekua

ere...

orain esana eta ahaztu behar dudana

aleluia tristeak dira

© Mikel Arregi