DESBIDERATZEAK

Ezeri eustekotan

agian zure izenari eutsi beharko,

hala diote.

Eta zure listuaren

tanta batzuk ere

gorde beharko ornen nituzke

transparente xamar den botila baten barnean.

Eta neguko gau luzeetan

ahanzmena

—andregai desiratuaren antzera— zuriz

eta beltzez —azkenean gertatzen den ehorzlea bezala—

tabernaz taberna miatzen ibiliko denean

edaria atereaz eta isuriz

mahai eta oihalak blai egin arte,

aterako dut azkenean bular ondotik

eta, zearo mozkortua,

begiratuko diot une batez,

argitara eta biziotsuki,

nere larruaren aldamenean

usteltzen ari den horri.