ZURI BELTZEZKO FILMA

Bizitzaz, dokumental batez

edota barku bateko motinaz bezala hitzegiten dut.

Burmuinean nostalgia bat,

nere memoriako hilotzen aurpegiz egina

eta dagoeneko nereak ez diren hiri eta erropen artetik itzultzen;

nik harriduraz eta isilean begiratzen diodan

eta nere alde ezer onik esaten ez duen

halako errebelatze bat burutzera etorriak.

Bitartean mendekuz bezala

eta dagerrotipo baten aurrean kokatzen denaren seriotasunez,

azkenean bilduko dituen

eta pantaila betiko itzaltzera doala

adieraziko duen musikaren zain nago.