BYE BYE

«Hiri honetatik aldegin egingo dut, eta ez dut arrastorik utziko».

esan ohi zenidan, eta hori dut gogoan;

baina ni naiz alde egiten ari dena.

Ikusten duzunez, batzutan,

behaztopo egiten dugu lirismoekin.

Entzun ezazu bada nere agurra

—azkeneko hau erretorika hutsa da—

zuk oraindik ez dakizun distantzia

zehatz, kartografiko, begien-bistako

eta zuretzat, bestalde, gaindi-ezinezkoan

pentsatzen dudan bitartean.

Zuretzat idazten dut hau

ilunantzean, eta erdi loak-hartua

geldiro mozkortzen naiz

kez —ezagutzen nauzu—

eta isiltasunez. Ez dago oroitzapenik:

nere ekintzekin gauaren ordena iraultzen dut,

besterik ez.

Uler ezazu. Adio.

Hau da nere ordaina.