HARAGIAREN BETETASUNA

Zergatik ote da errazago gizon batez iraganean mintzatzea

eta berrikustea —oroimenaren baitan gainbehera doala—

ilunantz hura.

Eta abesti hura —Because the night, uste dut,

zure-minezko gau amorratuetan

oraindik entzuten dudana—

besarkatzen ginen bitartean entzuna,

zerbait hordituak eta behatz puntetara igota,

estatuen antzera goibel eta zuti.

Ez zen beste zorioneko liluratzerik izan

gaur bezala betirako galduak izan aurretik.

Ez eta beste nahitaezko eztandarik ere

lehen aldi hartan,

ahantziko ez dudan hotel hartako

ohe hartan bezala.