BAKARRIZKETA BILATUA

Teatroan argiak itzaltzen ari dira,

dardara bat dago dekoratuen artean

eta ilunpeko agertokian

oin batzuen korrika hotsa entzuten da;

saiatzen zara izter batzuk

—zeinen azpitik, zuk diozunez,

Historia osoa igarotzen bai da bat batean—

beste behin zuretzat zabal ditezen.

Baina ez ezazu ahantzi ezin estali duzula

aspaldi honetan duzun itxura zarpaila,

eta zure solas loredunak

duela asko gertatzen direla ezagunegiak.