SAIO HUTSEGINA

Gizakumeen edozein ekintza

beste aurreko ekintza batzuen errepikatzea

besterik ez denez geroz

dama lirainak, goiz hauskor

behin-betiko galdu honetan, badaki jakin ere

bere amarruei beste borondate

tinko eta artetsuago batek egin diela iruzur;

eta barandan bermatzen da berriro

jakinez bera han nonbait dagoela harriei begira,

eta etsipenez pentsatzen du,

poltsatik ateratako ispillutxoari begira,

maitemindu badu ere

ez duela seduzitu.