Oroitzapena

ai, ei oroitzapena!

zeinen den haundia

gure pena.

Oroitzapenez naiz bizi

oroitzapenez eta ametsez,

urteak joan

urteak etorri

ametsak urtzen dira

eta illunabarreratzean

oroitzapenak dira bihurtzen.

Oroitzapenez eta ametsez

bizitu behar alabeharrez,

ihes egiten digu zorteak

bainan

oroitzapen eta amets

uztartu beharrez

horren itxaropenez,

errotik bizi nahiez

noa

goaz hiltzen.