Bitartean,

lur amatik lur amara

bizitzaren bultzian,

amodioaren irriñoa

maite-mina ezti eta mikatza

                               negarra

kolkoratzen zaizkit, zaizkigu.

Bitartean,

gauza aunitz egiten omen dugu

hor, han eta hemen,

bitartean,

bizitza hiltzen zaigu

eriotzari buruz garamatzan bultzi honetan.

Negar eta irria

jauzi eta dantza

joan era joan

autsaren atsa galtzen

auts bihurtzen,

iragaten eta iragaten

ezdeusten goaz.