Gizakunde

goazen olez egitera,

leher lanean arizan eta gero

goazen libertitzera!

       Xango mango

       hau da fandango,

       gure herrian eguna gaua

       goibel lodi eta ñabarra,

       gure herrian berri frango.

       Ihauteri sorginkeri

       gure herria dago eri.

Emakunde

ai oi zeinen aspaldikoa den

gure aiherkunde!

       Emakumeak

       irri eta aufa

       urrup edan klikaka

       illargi beteko ortziralez

       sorginak dira bihurtzen,

       ukatua dagoena desukatzera

       gizartearen gorroto eta herra

       errepresio eta mina,

       gure bestearen billa

       ezaren billa.

Orakunde

orok batera

eskuak esku

goazen libertitzera!

       Plazan dantzan

       etxean errintan,

       kanpoan urzo etxean bele

       elkar zipoka ika-miketan.

       Orakunde ihauterikari

       orakunde egun guztiz

       orok batera elkarrekin

       behar dugu ari.

Gizakunde

emakunde

orakunde,

ihauteri

zagi zahar ardo berri,

ortziaren azpian

denboraren gauean

galdutako herri.

Berriz ere

izan ditzagun auta eta kanta

kondairaren ihauterian.