ENBEITA AITA ETA SEMIA

        Semiak:

Emen daukazu semia, aita,

zorun-agurra ematen,

jakin dagizun nire biotzak

egiz zaitula maitatzen.

Zenbateraiño maite zaitudan

ez da erreza azaltzen,

semiak aiña maite banozu

ez dot geiago eskatzen.

        Aitak:

Gaztetxu zagoz aitan biotzan

maitasuna ezautzeko,

zenbateraiño maite zaitudan

ez dozu errez jakingo.

Esakun zar bat esango deutsut

gogoan erabilteko:

eun sementzako dala aita bat,

seme bat ez aitantzako.

© Balendin Enbeita