ARRATIA'KO MIXIÑOIAK DIRALA-TA

Bedian asi ta Ubider'arte

amabost egun luzian

mixiolari onak ôn dira

arratiarren errian;

len be Arratin fede sendoko

Jainko-zaliak zirian,

ta ikustekoak egongo dira

mixiñoiaren ostian.

Mixiñoietan artuten dira

sekuleko erabagiak,

esaten dogu: «Itxiko dodaz

pekaturako bidiak!»

Oldozmen onek ibiliko dauz

Arratiako erriak,

zorioneko litzakez danak

onek balira egiak.

Lapikotxua suen ondoan

pilpilka daguanian,

barruko gauza guztiak dabiz

gozoz egosi gurian;

baña otzitzen ixten baiako

nagiagaitik sasoian,

sustantzi bako jateko otza

seguru dago etxian.

Gure arimen lapikotxua

otzik geratu ez daiten,

sarritan juan bearra dogu

geure utsak autortuten;

mixiñoietan egin dala-ta

naikotzat badogu ixten,

sustantzi bako katolikuen

antza dogu erakusten.

Jakin dagigun itzak bakarrik

aixiak daruazala,

eta egipenak gizona nor dan

ondo erakusten dabela;

jarraitu daigun beti lenauko

euskaldun onak bezela,

esan dagien gaur be egizko

katolikuak garala.

                        (1956)

© Balendin Enbeita