GABON-ABESTIAK

                (Doñua: Ardi txuriak, Aita Mitxelena'ren

                Ogei Kanta Arantzazu'ko liburuxkatik artua)

Dan, dan, dan, Jose eta Maria

ostatu billa Belenen;

dan, dan, dan, gabeko amaiketan

dan, dan, dan, atia joten.

Eta barrutik dan, dan, marrez

gogor dautse erantzuten:

«Dan, dan, dan gabeko amaiketan

dan, dan, zer dakazue emen?»

Dan, dan, dan, txiro ta eskale bi;

edegixue atia,

geugaz batera dakagulako

munduko Salbagillia!»

Eta barrutik gogor dirautse:

«Beterik dogu etxia!»

Ostatu barik geratzen dira

aita Jose ta Maria.

Dan, dan, dan, gabeko amabiak,

Belengo kanpaien itza.

Aita San Josek Miren garbiai

arriturikan dirautsa:

«Entzuten dozu goitik datorren

aingeru-tronpeta-otsa?»

Une berian Miren garbiak

dauka Jesusen jaiotza.

«Dan, dan, dan, aintza zeru goietan,

dan, dan, dan, bakia emen!»

Dan, dan, dan, aingeruak diñoe:

«Jesus jaio da Belenen!»

Artzaiñak ere pozagaz dabe

Jesus nun dagon itantzen.

Lenbailen danak joan nai dabe

Jesus Aurtxoa gurtutzen.

Dan, dan, dan, pozez jo daigun, bada,

dan, dan, Belengo atia,

antxe barruan daukagulako

munduko Salbagillia.

Aita Jose ta Mariaz dago

zeru ta lurren Jaubia,

maitasun garbiz danoi eskintzen

zoriona ta bakia.

© Balendin Enbeita