UZPARITXA MENDIKO KURUTZA

Uzparitxako mendi gaiñian

zauzan Kristoren kurutza,

neke bagarik nator zugana

aundia ôn arren aldatza,

pozez beterik zuri eskintzen

neure zain eta biotza,

dakidalako zeu zariala

gure betiko bizitza.

        Kurutzak:

Neu naiz gizonen egizko artzaiñ

baketsu eta zuzena,

naigabetuak poztuko dauzan

biotz maitale onena;

niregan beti aurkituko'zu

zeuretzat biar dozuna,

zorioneko izan nai bozu

etorri zaitez neugana.

© Balendin Enbeita