ZORION BILLA

Gure bizitza itxaso bat da,

gu gabiz bere gaiñian,

zorion billa ara ta ona,

bata bestien atzian;

ur sakon orrek irusten gaitu

gitxien uste danian,

eta ez gara konturatuten

ondora jausi artian.

Emen geienok bizi nai dogu,

al dala beintzat, gustora;

naiz oker eta zuzen ibilli

askoi ez dausku ardura;

oker-bidian doian untzia

jausi oi dan lez ondora,

zuzenekoa artu biarko

nai bogu eldu portura.

Zorionaren entzute onek

danok pozik jartzen gaitu;

zetan esan bez, zorioneko

guztiak izan nai dogu;

zoriontsua gauza aundia da,

nai bogu beraz jaubetu:

lagun urkoa maite izan da

ona izaten jarraitu.

© Balendin Enbeita