ARRANTZALEAK, DAKARRERA JUAN DIRANAK

                (1958 urtean, Bilbao'ko Arriaga Teatroan abestua)

Gure lurraren itxas-bazterrak,

alan diño istoriak,

aldi danetan emon ditula

itxas-gizon errimiak.

Asi Elkano, bardin Txurruka,

Matxin ta jarraitzailliak,

arrantzaliak, zetan esan bez,

besteren pare bagiak,

Dakar aldera juan dirian

gure arrantzale aundiak,

lagun arturik gure euskaldun

abade eta prailliak.

Batzuk sendiko ogien billa,

arimen artzain bestiak,

bitzuak dira euskaldun sendo,

fededun Jainko-zaliak;

Jaungoikoa ta euren aberri,

emazte eta sendiak,

gure arrantzale ta eleiz-gizonak

dituez euren maitiak;

naiz-ta atzerrian eurentzat izan

aundiak irabaziak,

euren erria ez dabe aztuko

euskaldun arrantzaliak;

amaika olango arrantzale aundi

emoir dauz Euskalerriak.

© Balendin Enbeita