MAITASUN GARBIA

                (Doñu onen antzekoa: A. Mitxelenak:

                «Ogei kanta Arantzazuko»,

                Alargunarena deritzana.)

        Mutillak:

Illunabarran gerizpe baltzak

ixiltzen ditu basoak,

mendi-zelaiak ixilik dagoz,

murmurka errekatxoak.

Une onetan adirazten dit

neure maitasunen suak

etxe inguruan dirala oraingo

nere maitean pausuak.

        Neskak:

Gaurko eguna igandea zan,

goizetik nintzan mezatan;

arratsaldean jolas garbian

gure erriko zelaian.

Illuntzerako etxera nator

garbi-zaleen antzean,

askoz obeto nagoalako

gaba ezkero etxean.

        Mutillak:

Maite bazaitut, maitatzen zaitut

nik beti maitasun garbiz,

sekulan ere ez naz ni bizi

loikerirako egarriz.

Lagunduteko gertu naukazu

bardin gabaz eta argiz,

etzara txarto bizi izango

nirekin beti bazabiz.

        Neskak:

Nere bizitzan garbitasuna

beti izan dot gogoko,

Jaunai laguntza eskatzen deutsat

garbitasuna zaintzeko.

Maite bazaitut, maitatzen zaitu

garbi-zale zarelako,

eta biotzez esaten deutzut

ez zaitudala itxiko.

        Biak bat:

Abestu daigun biok batera

alkarturikan biotzak,

bata besteen maitasunean

jarraitu daigun bakoitzak.

Loraz jantziak izango dira

gutzat munduko arantzak,

zorioneko benetan dira

olangoaren ezkontzak.

                        (Aranzazu, 1959, VIII)

© Balendin Enbeita