JESUSEN ERIOTZA

Zigorkadakaz gorputz guztia

goitik beraño aulduta,

Jesus badoia Golgotarantza

kurtze astuna artuta;

jausi ta jagi, badoia aurrera

gorputza indargetuta,

obenen erruz laster da Jesus

kurutze baten josita.

Pilatos danok gaiztotzat dogu,

izan leiteke egia;

danoi atsegin izaten iaku

iñoi errua emotia.

Obenakgaitik Jesus il bazan,

nor da obenik bagia?

Pilatos ala pekatariok

zein ete gara obia?

Iñor errudun olan jarteko

geu garbirik ete gagoz?

Geure buruak jasoko geunkez

ezautu barik balegoz.

Iñor errudun jarri ta geure

eskuak garbitzen gatoz?

Orra bi millagarren urtian

emen millaka Pilatos.

Kendu daiguzan betaurrekoak,

ikusi geure bizitza,

besten obenai bakean itxi,

ondo autortu bakoitza.

Mingañez uso, barruz gau-txori,

Pilatos asko gabiltza,

baiña zerua irabazteko

bearreko da kurutza.

                        (Jesusen Biotzaren Deya, 1962)

© Balendin Enbeita