ARIATZA'RI

Ariatza'ko ibar zelaian

loraren usain gozua!

Zugatz gañetan txorrotxioka

birigarro ta zozua.

Gurutz Deunaren babes gozoan

sendiak eta auzua,

zeure gomutan daruat beti

neure bizitza osua.

Lurbira zear egongo dira

uri ederrak jantzirik,

baratz ederrak, lorategiak

aundiki lilluraturik.

Baña, Ariatza, niretzat ez dau

zu bezelako lorarik,

zu zara nire txoko bakarra,

ez daukat maiteagorik.

© Balendin Enbeita