JOSEBA DEUNARI ESKATZEN

                (Ariatzako eleizan abesten diran abestiak.)

Jesus eta Marian

zaintzalle San Jose,

zeugana gatoz emen

laguntasun eske:

Jesus Jaunan eskerra

zeugan daukozu-te,

erbeste ontan gugaz

errukitu zaite,

Jesus eta Mariai

eskatu gure alde.

Ostatu billa ziñan

Belenera eldu,

ostatu barik ziñan

samiñez geratu,

baiña goi-aingeruak

zinduezan poztu.

Geu be samin-aldiak

ez gaitzan okertu,

Jaunaren aingerua

guri be bialdu.

Ejito'rantza iges

joan ziñanian,

ze samin egongo zan

zure biotzian!

Baiña aingeruak barriz

esan eutsunian:

«Jauna dozue lagun!»,

poztu egin ziñan.

Geu be poztu gagizuz

erbeste onetan!

© Balendin Enbeita