ESKUAK UTSIK

Gure euskera ikusten dogu

doiala indargetuten,

gogor jokatu bearra dogu

neurriak ondo artuten.

Etorkizuna umetxoetan

ondoen dogu ikusten,

Ian egin daigun aurrai euskeraz

txikitxutan erakusten.

Erdera maite badozu ere

euskerai ez egin gatxik,

euskeran aurka dabillen batek

ez dauko zentzun, ez gatzik;

ondiño geiau: bere amantzat

ez lotsa ta ez biotzik;

era onetako semeak dauke

euskera eskuak utsik.

Euskaldun batek maite ez badau

bere erriko izkuntza,

«Euskalduna naz» esaten bere

izan bear leuke lotsa.

Autortu daigun nun jaio eta

nungoak garan bakoitza,

ta euskalduna baldin bazara

euskerai egin laguntza.

© Balendin Enbeita