LENGO BIZITZA ETA GAURKUA

Lengo bizitzak eta gaurkuak

alde aundia ei dauke,

lenago neke, bizi-eziña,

gaur barriz ondo ta bake.

Alde bi onek ikusi eta

nik auxe esan negike:

lenago karu gendun guzurra

gaur dogula erdi merke.

Lengo bizitzan Ian egin eta

bizi baziran justuan,

lanetik gaur be sobrarik ez da

ibiliteko gastuan.

Kanpotik oso itxura ederra,

barruz bizitza estuan,

gaur legez len be txuleta onak

eukanak jaten zituan.

Lendikan ona bizimodua

oso aldakorra dator:

len oñez eta gaur edozeñek

daukaz belbil eta motor.

Lenago tresna orrek zituna

genduan erriko dotor,

baña dendetan etzan ikusten

gaur eguneko beste zor.

Len talua ta gaztañak janda

lasai gendun bizitzia,

gaur baño ardura gitxiaguaz

ibilten gendun etxia.

Orain lan gabe bete nai dogu

gilborra eta boltsia,

arrokeria badago baña

falta da kontzientzia.

Esaten dabe gaur daguala

danerako erreztasuna,

ez dot ikusten on bakarrik

danik gure ondasuna.

Barruko poza eta bakea,

or dau aberastasuna,

on lortzeko bearreko da

gizonen askatasuna.

© Balendin Enbeita