ARROSPIDE OSALARIA ZANARI

Frutu onen emoille

genduan zugaitzak,

danentzako zituan

bardin bere emaitzak;

sasoirik onenian

bere eriotzak

tamalez jarri gaitu

txiro ta aberatsak.

Osalari lez aundi,

geiago gizona,

borondatez indartsu,

maitasun sakona;

neurri bako ongille,

apal ta zuzena,

ezin leike azaldu

bere nortasuna.

Baserri eta kale

mar-mar bardiña da,

tamalez askok diño:

«Arrospide il da!

Amaikatxu mesede

egiñik juan da!

Bera lango gizon bat

izango ete da?»

Itxi dozuz munduko

zeure arazuak,

emazte, sendi, lagun,

senide, auzuak;

zeruetan daukazuz,

zabalik besuak,

aurretik juan ziran

zeure gurasuak.

Agur, Jon Arrospide,

agur, agur Verdi!

Zeru goietan Jaunak

atsedendu bedi!

Irakatsi eder bat

badogu zugandi:

beti zaindu dozula

egian alderdi.

© Balendin Enbeita