IYURRETA'N

Pozgarria da gaurko egunez

Iurretara etortia,

gogoratuaz aurreko zarren

abesti zoragarria:

«Aita San Migel Iyorretako,

zeru altuko loria...»

Aurresku dantzan oroigarritzat

asaba zarrak jarria,

oitura onek zaintzeko danok

artu daigun arduria.

Tanbolin-txistu alai gozoan

lenago ziran jolasten,

gaur eguneko dantza loturik

ez eben ontzat artutzen;

ondiño geiau: pekatu-pean

jolas au eben zigortzen.

Orain lotua ontzat artuta

garbiak dabiz baztertzen,

gaurko gazteak, ikusten danez,

geiago dabe agintzen.

© Balendin Enbeita