APOSTOLUEN EGIñAK-2

LENENGO KAPITULUA

        1. Nere aurreneko izkintzan itz egin det, gauza guztien gañean, zeñak Jesus asi zan egiten, eta erakusten,

        2. Apostoluari, Espiritu Santuaren birtutez, erakutzi zien eguneraño, zeruan izandu zala artua,

        3. Agertu zitzaien bizirik, bere pasioko señaleakin, berrogei eguneko denboran, zeruetako erreinuaren gañean itzegiten.

        4. Eta berekin jaten zegoala, agindu zien etzitezela atera Jerusalendik, baizik itxon zezatela aitak eskiñi duena, bere aotik, aditu duten bezela.

        5. Zergatik Juanek, egiaz bateiatu zuen urtan, eta zuek izango zerate bateiatuak Espiritu Santuan, egun oiek pasatzen diranean.

        6.Orduan, alderatu zitzaionak, galde egiten zioten, esanaz: Jauna, biurtuko ote dezu denbora onetan Israelgo erreinua?

        7. Eta erantzun zien: Ez dezute zuek jakin bear denbora eta orduak, aitak bere aginterarekin jarri zituenak:

        8. Baizik artuko dezute Espiritu Santuaren birtutea, zeñ etorriko dan zuen gañean, eta izango zerate, nere testiguak Jerusalenen, eta Judea eta Samaria guztian, lurraren punta guztietaraño.

        9. Au esan zuenean, guztiak begira zeudela, juan zan igotzen, eta odei batek ezkutatu zuen beren aurrean.

        10. Eta zerura begira zeudenean, bera zijoanean, jarri ziran aldamenean bi gizon soñeko zuriakin,

        11. Zeñek esan zieten: Galileoko Gizonak, zerura begira zaudete? Zuen aurrean zerura igo dan Jesus au, ala ikusiko dezute etorzen, igotzen ikusi dezuten bezela.

        12. Orduan biurtu ziran Jerusalena, olibasko menditik;

        13. Eta sartu ziranean, igo ziran afaritokira, non zeuden Pedro eta Juan, Santiago eta Andres, Felipe eta Tomas, Bartolome eta Mateo, Santiago Alfeo eta Simon Zelosoa, eta Judas Santiagoren anaia.

        14. Oiek guztiak zeuden erregutzen beren emakumeakin, eta Jesusen Ama Maria bere anaiarekin.

        15. Egun aietan, altxaturik Pedro bere anaien erdian (eta ziran eun eta oge bezela) esan zuen:

        16. Anaiak: konbeni zan Espiritu Santuak Dabiden aotik esan zuena, Judasen gañean, kunplitu zedien, au izan zala, Jesus preso egin zutenean, agintaria;

        17. Gure artean kontatzen zana, eta gure ministerioan parte zeukadala,

        18. Onek bada eduki zuen gaiskitasuneko kanpoa, eta txintxillik jarririk, lertu zan erditik; eta issuri ziran bere barrenak.

        19. Eta jakin egin zioten Jerusalenen bizi ziran guztiari, eta kanpo ura izandu zan deitua bere izkintzan, Hazeldama, esan nai duena, odolezko kanpoa.

        20. Zergatik Psalmoetako liburuan dago eskribiturik: Aien bizilekua gelditu dedilla bakarrik, eta iñor bizi ez dedilla, eta artu dezala beste batek lur aren agintea.

        21. Konbeni da bada Jesus gurekin sartu eta atera zan artean, gure artean, egondu ziran gizon oietatik,

        22. Juanen bateiotik asita, gure artean artua izandu zan daño, izan dedilla gurekin testigu, nola piztu zan.

        23. Eta markatu zituzten bi, bata Jose, Barsabas deitutzen zana, eta izengoitiz justuba, eta bestea Matias.

        24. Eta erregu egiñaz esan zuten: Zuk, Jauna, gure biotzak ezagutzen dituzuna, erakutsi egiuzu, oiek bietatik, zein autu bear degun,

        25. Apostoladu onetan lekua artu dezan, eta nondik bere gaitztazunagatik bota izan zan Judas, bere lekura juateko.

        26. Eta suerteak botata gertatu zan Matias, eta izandu zan beste ameikaren artean kontatua.

BIGARREN KAPITULUA

        1.Eta Pentekostesko egunak kunplitzen ziranean, gustiak zeuden alkarrekin leku batean;

        2. Eta bereala etorri zan zerutik otz aundi bat, aize andi batena bezelakoa, eta bete zan ezerita zeuden etxea.

        3. Eta agertu zitzaioten mingañ batzuek, zuskoak bezela, eta gelditu ziran bakoitzaren gañean:

        4. Eta izandu ziran Espiritu Santuz beterik, eta asi ziran bakoitzak bere izkuntza itzegiten, Espiritu Santuak ezaten bazien bezela, itzegiteko.

        5. Eta bizi ziran orduan Jerusalenen Judioak, gizon relijiosoak, zeruaren azpian dauden toki gustietakoak,

        6. Eta otz au eginda, etorri zan jende asko eta gelditu zan izuturik, zergatik aditzen zuten, bakoitzak itzegiten ziotela beren egiazko izkuntzan.

        7. Eta zeuden ikaraturik eta arritzen ziran esanaz: Ez dezute ikusten, itz egiten dauden oiek danak Galileoak dirala.

        8. Zergatik bada aditzen diegu itzegiten jaio ginan lurreko izkunzan?

        9. Partoak eta Medoak, Mesopotomian bizi diran gustiak, Judean eta Kapadozian, Ponton eta Asian,

        10. Phrijian eta Panphilian, Ejipton eta Libiako lurretan, Zireneko aldamenean dagoana, eta Erromatik etorri diranak,

        11. Judioak ere, eta Proselitoak, Kretenseak, eta Arabeak: aditu diegu gure izkunzan Jaungoikoaren aunditazunak.

        12. Arritzen ziran bada gustiak, batak besteari esanaz: Zer esan nai du onek?

        13. Bañan beste batzuek farra egiñaz esaten zuten: Ardos beterik daude.

        14. Bañan Pedrok bere ameika lagunen artean zutik jarririk deadarrez ezan zien: Judeako gizonak, eta Jerusalenen bizi zeratenak; jakin zazute eta adietzazute itz oiek.

        15. Zergatik ez dauden eranak zuek uste dezuten bezela, bada orain da egunaren terziako ordua:

        16. Bañan au da Joel Profetak ezan zuena:

        17. Eta gertatuko da aitzeneko egunetan, ezaten du Jaunak, nik issuriko dedala nere Espiritua aragi gustiaren gañean: eta zuen semeak eta alabak ezango dute zer gertatuko dan, eta zuen morroiak ikusiko dituzte bisioak, eta zuen gizon sarrak ametz egingo dute.

        18. Eta egiaz egun aietan issuriko det nere Espiritua, nere serbitzarien gañean, eta ezango dute zer gertatuko dan:

        19. Eta egingo ditut zeruan gauza arrigarriak; eta señaleak lurrean, odola, sua eta kearen baporea.

        20. Eguzkia biurtuko da illuntazunean, eta illargia odoletan, jaun aundiaren eguna etorridedin baño lenago.

        21. Eta gertatuko da, Jaunaren izena deitzen duena, isango dala salbatua.

        22. Israelgo gizonak; aditu etzazute itz oiek; Jesus Nazareno bere birtuteak gaitik, bere milagroakgaitik izandu zan Jaungoikoagaitik zuen artean autua, zuek dakizuten bezela;

        23. Au Jaungoikoaren agintez eta bere aurrean, izandu zan entregatua, eta zuek il zenduten, gurutzifikaturik gizon gaistoen eskuetan:

        24. Jaungoikoak pistu du au eriotzako miñak kenduta zergatik etzan posible eriotza gelditzea.

        25. Zergatik Dabidek esaten du: Kontu egiosu beti Jaunari, nere aurrean, zergatik dago nere eskubiko aldean, ni mubitu ez nadien.

        26. Orregaitik nere biotza poztu zan, eta nere mingaña ere, eta gañera nere aragiak sosegatuko du, esperanzan:

        27. Zergatik ez dezu utziko nere korputza sepulkroan, eta ez dezu ere utziko zure Santuak ikusi dezan gaizkitazuna.

        28. Erakutsi zidazun bizitzeko bideak, eta beteko nazu pozez zure aurrean egoten naizenean.

        29. Anaiak sillegi izan dedilla neretzat, Patriarka Dabiden libertazunarekin esateko, illa eta sepultatua izandu zala, eta gaurko eguneraño, gure artean dagoala bere sepultura.

        30. Isanik bada Profeta, eta jakiñik Jaungoikoak egiaz esan zuela juramentuaren azpian, bere biskarretako frutua eseriko zala bere Tronuan;

        31. Aurretik ikusirik, jesusen pistutzearen gañean itz egin zuen; etzala izandu sepulturan utzia, eta ezta ere bere argia usteldua.

        32. Jesus au pistu zuen Jaungoikoak guztiok testigu giñala.

        33. Ala bada Jaungoikoaren eskutik aunditurik, eta arturik aitagandik Espiritu Santuaren promesa; issuri du gure gañean, zuek ekusten eta aditzen dezuten au.

        34. Zergatik Dabid etzan igo zeruetara: eta ala ere esaten du: Jaunak esan zion bere Jaunari, eseri zaite nere eskubiko aldean,

        35. Zure etsaiak nere oñaren azpian jarri ditzan artean.

        36. Orregaitik jakin beza egiaz Israelgo etxe guztiak, zuek gurutzifikatu zenduten Jesus au, egin zuela Jaungoikoak, Jauna, eta Kristo.

        37. Gauza oiek aditu zitustenean, tristatu ziran biotzetik, eta esan zieten Pedro eta beste Apostoluari: Anaiak, zer egingo degu?

        38. Eta Pedrok erantzun zien: Damutu zaitezte, eta bakoitza izango da bateiatua Jesukristoren izenean, zuen pekatuen barkaziorako: eta artuko dezute Espiritu Santuaren Doia.

        39. Zergatik, zuentzat, zuen semeentzat eta urruti egonagatik Jaunak bere aldera deitzen dituen guztientzat, da egin duen promesa.

        40. Oiekin eta asko arrazoiakin, jakin egin zien; eta adieratzen zien esanaz: Salba zaitezte kasta gaisto onetatik.

        41. Eta beraren itza artu zutenak, izandu ziran bateiatuak, eta egun artan izandu ziran iru milla persona bezela juntatuak.

        42. Eta oiek zeuden firme Apostoluen dotriñan eta ogiaren partizioan, eta erreguetan.

        43. Eta persona gustiak zeuden bildurrez: eta Apostoluak egiten zitusten Jerusalenen milagro eta señale asko, eta guztiak zeukaten bildur aundia.

        44. Eta gustiak uste zuten zeudela baturik, eta zeuzkaten gauza gustiak, guzienak bezela.

        45. Beren lurrak eta hazienda gustiak salduten zitusten, eta beren premiak ziran moduan, gustiari partitzen zioten.

        46. Eta egunero zeuden baturik tenploan; eta etxe gustietan ogia partiturik, arzen zuten jatekoa biotzeko pozgarri aundi batekin,

        47. Jaungoikoa alabatuaz, eta erri guztian grazia arkitzen zutela: eta Jaunak egunero aunditzen zuen, unio onetan salbatu bear ziraden personen aunditazuna.

IRUGARREN KAPITULUA

        1. Pedro eta Juan juaten ziran tenplora erregutzera nonako orduan.

        2. Eta ekarri zuten gizon erren bat, eta jarten zuten Elizako atarian, an sarzen ziran guztiai limosna eskatzeko.

        3. Onek, Juan eta Pedro Elisan sarzen ikusi zituenean, erregutu zien limosna emateko.

        4. Eta Pedrok, Juanekin begiak jarririk, gizon onetan, esan zion: Begira iguzu.

        5. Eta berak begiratzen zien atenzioarekin, zerbait emango zioten ustean.

        6. Eta Pedrok esan zion: Ez dadukat urrerik eta ere sillarrik; bañan ematen dizut daukarana: Jesus Nazarenoaren izenean, altxatu zaitez, eta ebilli zaitez.

        7. Eta eskubiko eskutik artuta altxatu zuen, eta orduan bertan bere oñak izandu ziran konponduak.

        8. Eta salto bat eginik jarri zan zutik, eta asi san ebiltzen; eta sartu zan berakin Elisan saltatutzen eta Jaungoiko alabatzen.

        9. Eta erri gustiak ikusi zuen ebiltzen, eta Jaungoikoa alabatzen.

        10. Eta ezagutzen zuten, zala, Elisako ate ederrean limosna eske jarten zana, eta gelditu ziran arriturik eta soraturik bezela gizon onekin gertatu zana gaitik.

        11. Eta Pedrori eta Juani elduta zegoala etorri zan erri gustia izuturik Salomonen Portikura.

        12. Eta Pedrok au ikustean esan zion erriari: Israelgo gizonak, zergatik arritzen zerate, edo begiratzen diguzute gure birtutez edo poderiagatik, gizon au ebiltzen asi balitz bezela?

        13. Abrahanen, Isaaken, Jakoben, eta gure aitaen Jaungoikoak glorifikatu du bere seme Jesus, zein zuek ukatu zenduten ena eta Pilatosi eraman ziozuten, libratu bear zana juzgatuaz.

        14. Baño zuek ukatu zenduten Santua eta justua zana, eta eskatu zenduten gizon ilzallea emateko zueri.

        15. Eta iltzenduten biziaren eginzallea, zeiñ Jaungoikoak illen artetik piztu zuen, testigu izandu geran bezela,

        16. Eta bere fedearen izenean, konfirmatu du bere izena, zuek ikusi eta ezagutzen dezuten gizon onetan, eta dadukan fedeagatik eman dio, zuen aurrean osasun osoa.

        17. Eta orain, Anaiak, badakit nik, zuek egin dezutena zuen jakinduriaren gutxitazuna gatik, eta zuen prinzipena gatik,

        18. Bañan Jaungoikoak lendanik Profeta guztien aotik esanda zeukana, bere Kristo agertuko zala, kunplitu du.

        19. Damutu zaitezte bada, eta biurtu zaitezte zuen pekatuak barkatuak izan ditezten.

        20. Postasuneko denborak Jaunaren arrean etortzen diranerako eta Jesus zueri predikatu zizuten ura, bialdu dezan artean.

        21. Zein egiaz izan bear da rezibitua zeruan, gausa guztiak juntatu ditezen artean, jaungoikoak bere Profeta Santuen aoitik itzegin zuen bezela.

        22. Zergartik Moisesek esan zuen: Jaungoikoa altxatuko du zuen anaien artetik, Profeta, ni bezela, eta esaten dizuten gustia adituko diozute.

        23. Eta gertatuko da, Profeta ari aditzen ez dion gustia, izango dala erritikan botea.

        24. Eta egun oiek lendanaz esan zitusten Profeta gustiak Samuelen denboratik, eta geroztik itzegin dutenak.

        25. Zuek zerate Profeten semeak, zuen aitari agindu zien testamentuarenak, Abrahami esan zionean: Lurreko familia guztiak izango dira zure asian bedeinkatuak.

        26. Jaungoikoak bere semea pistutzean, bialdu du aurrena zuetara, bedinkatuak izan zaitezten beragatik, eta bakoitza alderatu dedin bere gastotazugandik.

LAUGARREN KAPITULUA

        1. Eta aiek erriari itzegiten zeudela, agertu ziran Sazerdoteak Elisako majistradua eta Saduzeoak,

        2. Erriari erakusten ziotelako eta illen piztutazuna predikatzen zutelako,

        3. Preso egin zituzten eta karzelan sartu zituzten urrengo eguneraño zergatik berandutu zan.

        4. Bañan predikazioa aditu zuten gizon askok, bost millaraño, sinistu zuten.

        5. Eta gertatu zan, urrengo egunean batu zirala Jerusalenen beren agintariak, gizon zarrak eta Eskribak:

        6. Anas Sazerdoten agintaria, Kaifas, Juan, Alejandro eta Sazerdoten linajekoak ziran beste asko.

        7. Eta erdira agertu asiñik galdetu zieten: Zeñen agintazunaz, o zeñen izenean egin dezute au?

        8. Orduan Pedrok, Espiritu Santuz beterik, esan zien: Erriko agintaria, eta gizon zarrak, aditu esazute:

        9. Zeñen birtutez sendatua izandu dan gizon gasso bat arrazoia eskatzen zaiguz (sic) eskero,

        10. Jakin zazute guztiok, eta Israelgo erri guztiak, Jesus Nazareno, zuek gurutzifikatu zenduten, eta illen artetik Jaungoikoak pistu zuenaren birtutez, sendatua izan dala zuen aurrean dagoan gizona.

        11. Au da, zuen argin maisuak gatik, autua izandu eztan arria, eta eskinaren buruan jarria izandu dana:

        12. Eta ez dago osasunik bestetan. Zergatik ez dago zeruaren azpian, gizonai emandako izenik, zeñean salbatuak izan bear degun.

        13. Pedroren eta Juanen firmeza ikusi zutenean, uste zuten zirala jakinduria eta letra bageko gizonak, eta arritutzen ziran, eta esagutzen zuten Jesusekin egondu zirala;

        14. Eta nola beren artean ikusten zuten zegoala sendatua izandu zan gizona, ezin ezer esan zesaten beren kontra.

        15. Bañan agindu zieten kanpora ateratzeko, ieta bere artean esaten zuten,

        16. Zer egingo degu gizon oiekin? Zergatik egin dute Jerusalenen dauden gustiak ikusi duten milagroa; jakiña da bada, eta ezin ukatu dezakegu.

        17. Oraindik errian geiago aditzera eman ez dedin, bildurtu ditzagun geiago izen onetan itzegin ez dezaten iñori.

        18. Eta otzeginda, esan zien: Etzezatela beñere geiago itzegin, eta eztaere erakutzi Jesusen izenean.

        19. Orduan Pedrok eta Juanek erantzun zieten: juzgatu ezazute zuek, jaungoikoaren aurrean arrazoi dan, berari bañan lenago zueri aditzera.

        20. Bada ezin egon gintezke ikusi eta aditu ditugun gausaren gañean itzegin bage.

        21. Orduan amenazak egiñaz, libre juaten utzi zieten, zergatik etzuten billatzen kastigatze motiborik, eta zergatik guztiak alabatzen zuten, gertatu zan milagru aundi au.

        22. Zergatik gizon onek zeuzkan berrogei urte baño geiago, sendatua izandu zanean.

        23. Libratu ziranean, etorri ziran bere lagunen artera, eta kontatu zieten Sazerdoteen agintariak eta gizon zarrak esan zien guztia.

        24. Eta aditu zutenean, danak batean Jaungoikoari otsegin zioten, esanaz: Zu zera zerua, lurra, itsasoa, eta oietan arkitzen diran gauza guztiak egin zituena:

        25. Espiritu Santuak gure aita eta zure morroi Dabiden aotik esan zenduena: Zergatik jendeak deadar egiten zuten, eta erriak gausa utsetan pensatzen zuten?

        26. Altxatu ziran lurreko erregeak, eta batu ziran Prinzipeak, Jaunaren eta Kristoren kontra.

        27. Zergatik egiaz batu ziran Herodes eta Ponzio Pilato Jentillakin eta Israelgo erriakin, zuk unjitu zenduen, zure Seme Jesusen kontra,

        28. Zure eskuak, eta zure konsejuak, egin zedilla agindu zutena.

        29. Eta orain, Jauna, begiak jarri itzatzu aien amenazetan, eta emaiesu lizenzia zure sierboai, libertade gustiarekin zure itza esan dezaten.

        30. Zure eskua lusatuaz, gaitzak sendatzeko, eta zure seme Jesusen izenean egin ditezen milagroak eta arritazunak.

        31. Eta erregutu zutenean, juntaturik egon ziran lekua mobitu zan; eta bete ziran Espiritu Santuaz, eta itzegiten zuten konfianzarekin Jaunaren itza.

        32. Eta sinistetzuten guztien biotzak ziran bat bakarra, eta anima bat; eta etzuen iñork esaten, zeukan gausarik berea zala, baizik gauza gustiak zirala gustienak.

        33. Eta indar aundiarekin, ematen zuten Apostoluak Jesukristo gure Jaunaren piztutazunaren testimonioa; eta zeukaten guziak grazia aundia.

        34. Eta etzegoan aien artean iñor ere premian; zergatik zeuzkaten lur eta etxe gustiak saldutzen zituzten, eta ekarten zuten saldutzen zuenak balio zuena,

        35. Eta jarten zuten Apostoluen oñetan; eta partitzen zitzaion bakoitzari bear zuena.

        36. Eta Josek, zeñari Apostoluak deitzen zioten Bernabe (esan nai duena posgarriaren semea) Lebita Txipren jaioa,

        37. Nola zeukan lur bat, saldu zuen, eta jarri zuen Apostoluen oñetan, balio zuena.

BOSTGARREN KAPITULUA

        1. Eta Ananias zeitzaion gizon batek, bere emazte Saphirarekin saldu zuen lur bat,

        2. Eta ostu zuen lurrak balio zuena, bere emazteak konsentituta; eta parte bat eramanda ipiñi zuen Apostoluen oñetan.

        3. Eta esan zion Pedrok; Ananias, zergatik tentatu du zure biotza Satanasek, Espiritu Santuari gesurra esateko, eta lurrak balio zuena ostutzeko?

        4. Ez da egia konserbatuta zuretzat geldituko zala, eta salduta zure agintean zeukazula? ¿Zergatik bada jarri zenduen zure biotzean gausa au? Zuk gezurra esan diozu Jaungoikoari, eta ez gizonai.

        5. Ananias itz oiek aditu zituenean, erori zan eta ilzan, eta etorri zan aditu zuten guztien gañean beldur aundi bat.

        6. Eta mutil batzuek altxaturik, apartatu zuten, eta eraman zuten enterratzera.

        7. Eta andik iru ordura bezela, sartuzan bere emaztea ere zer gertatu zan etzekiela.

        8. Eta Pedrok esan zion: Emakumea, ezan egirazu, onenbestean saldu dezute soroa? Eta eranzun zion, bai, onenbestean.

        9. Eta Pedrok esan zion: Zergatik tratatu dezute Jaunaren Espiritua tentatzeko? Begira emen atean, zure senarra enterratzera eraman zutenaren, eta zu eramango zaituztenaren oñak.

        10. Puntuan erori zan, eta il zan bere oñetan. Eta mutillak sartu ziranean, aurkitu zuten illa eta eraman zuten bere senarrarekin enterratzera,

        11. Eta etorri zan bildur aundi bat Elisa gustian eta gausa oiek aditu zitusten gustien gañean.

        12. Eta Apostoluen eskuetatik egiten ziran gausa arrigarri eta milagro asko errian, eta zeuden gustiak baturik Salomonen galerian.

        13. Eta besteetako iñor etzan atrebitzen aiekin juntatzera; bañan erriak honratzen zituen modu andian.

        14. Eta aunditzen zan, Jaunagan sinistatzen zuten gisonen eta emakumeen askotasuna.

        15. Ainbestean zer ateratzen zituzten kaleetara gassoak eta jarzen zitusten oietan, Pedro pasatzen zanean beinzat bere itzalak ikutu zesan aietako bat eta gelditu zitezen sendatuak.

        16. Eta etortzen zan Jerusalena jende asko, inguruetako ziudadeetatik, gassoak eta etzai gaistoakgatik atormentaturik zeudenak, ekarzera; eta sendatzen ziran.

        17. Bañan Sazerdoteen agintaria eta berekin zeudenak (Saduzeoen doktrinakoak) altxatu ziran, eta zeloz bete ziran:

        18. Eta arrapatu zitusten Apostoluak, eta jarri zitusten karzela publikoan.

        19. Baña Jaunaren aingeruak, gabaz ateak irikita, kanpora aterata esan zien:

        20. Zoazte, eta Elisan agertuta, predikatu zaiozute erriari, bizitza onetako itzak.

        21. Eta aditu zutenean, sartu ziran Elizan goizetik eta ekasten zuten. Bañan, Sazerdoteen agintaria, eta berekin zeudenak etorrita, Konzilioa deitu zuten, baita ere gizon zar gustiak eta Israelko semeak, eta bialdu zitusten karzelara, ekarri zitzaten.

        22. Bañan Ministroak joan ziranean, eta ateak irikita iñor billatu etzutenean, juan ziran abisatzera.

        23. Esanaz: karzela arkitu degu txit ondo itxia, eta guardak atearen aurrean, bañan iriki degunean, ez degu barrenen iñor aurkitu.

        24. Elisako Majistraduak, eta Sazerdoteen agintariak, au aditu zutenean, dudan zeuden zer gertatu ote zan aiekin.

        25. Bañan orduan bertan etorri zan bat, eta esan zien: Begira, karzelan sartu zituzuten gizon aiek Elisan daude, eta erriari erakusten.

        26. Orduan juan zan Majistradua bere ministroakin, eta ekarri zituen indarrik egin gabe, zergatik zeukaten, erriak arrika egingo zioten bildurra.

        27. Eta ekarrita bereala eraman zitusten konziliora, eta Sazerdoteen agintariak galde egin zien:

        28. Esanaz: Ordena klaruarekin aginzen dizutegu ez dezazutela erakutsi izen orretan; eta begira, nola bete dezuten zuen dotrinaz Jerusalen gustia; eta bota nai dezute gure gañean gizon orren odola.

        29. Pedrok eta Apostoluak erantzunaz, esan zieten: Jaungoikoari obeditu bear zaio lenago gizonai baño.

        30. Gure Aiten Jaungoikoak pistu zuen, zuek egur batean jarrita il zenduten Jesus.

        31. Au altxatu zuen Jaungoikoak bere eskubiko eskuarekin Prinzipe eta salbatzallera, Israeli damutasuna eta pekatuen barkazioa emateko.

        32. Eta gu gera itz oien testiguak, eta baita ere Jaungoikoak obeditzen duten gustiai eman dien, Espiritu Santua.

        33. Au aditu zutenean lerzen ziran, eta nola ilko zuten, konsulta egiten zuten.

        34. Bañan altxaturik, konzilioan Gamaliel zeitzaion Phariseo batek, legeko dotorea eta errian errespetu aundikoa, agindu zuen gizon aiek atera zitezela piska baten.

        35. Eta esan zien: Israelko gizonak, begira ezazute ongi zuek gatik, eta zer egitera zoasten gizon oriekin.

        36. Zergatik orain baño lenago izandu zan Teodas deitzen zitzaion bat, esaten zuena zerbait zala; eta larogei gizonek bezela segitu zioten; eta gero ill zuten; eta sinistu zioten guztiak izan ziran apartatuak, eta utzera biurtuak.

        37. Onen ondoren altxatu zan Judas Galileoa enpadronatzeko denboran, eta eraman zuen bere ondoren erri gustia; eta segitu zioten gustiak izan ziran banatuak.

        38. Bada orain esaten dizutet, etzaitezela sartu gizon oiekin eta utzi ezazutela; zergatik konseju edo obra au, badator gisonangatik, izango da desegiña.

        39. Bañan Jaungoikoagandik badator, ezin desegingo dezute, Jaungoikoari kontra egiten diozutela iruritu etzaizuten. Eta segitu zuten bere konsejua.

        40. Eta Apostoluai otseginda azotatu asita, agindu zieten etzezatela geiago Jesusen izenean itz egin, eta askatu zituzten.

        41. Bañan oiek atera ziran posturik Konzilioaren aurretik, zergatik aurkitzen ziran Jesusen izenean afrenta gustiak eramateko merezisalleak.

        42. Eta egunero erakusten zuten, eta predikatzen zuten Jesusen izena Elizan eta etxeetan.

SEIGARREN KAPITULUA

        1. Egun aietan asi zanean geiago Diszipuluen alkartazuna, mubitu zan Griegoen artean murmurazioa Hebroen kontra, beren alargunak eguneroko bearretik boteak ziralako.

        2. Argatik amabiak Disipuluen aundiena otsegin eta esan zieten: Ongi es dago guk Jaungoikoaren itza utzi dezagun maiak serbitzeagatik.

        3. Autu itzazute bada zuen artean sazpi gizon fama onekoak, eta Espiritu Santuz eta jakinduriaz beteak, eta oieri emaiezute kargua obra onena.

        4. Eta guk erregu egingo degu beti, eta gordeko degu itza.

        5. Eta junta guztiari iruritu zitzaion ongi proposizio au. Eta autu zuten Esteban, gizon fedez eta Espiritu Santuz betea eta Felipe, Protxoro, Nikanor eta Timon, Parmenas eta Nikolas Antiokiako segitzallea.

        6. Eta aiek jarri zituzten Apostoluen aurrean; eta erregu egiñaz, jarri zitusten eskuak beren gañean.

        7. Eta Jaunaren itza azitzen zan eta Diszipuluen numeroa aunditzen zan asko Jerusalenen. Eta Sazerdoteen geientasunak obeditzen zuen fedea.

        8. Bañan Estebanek graziaz eta indarrez beterik egiten zituen errian gauza izugarri eta milagro asko.

        9. Eta Sinagogako asko Lebernoak deitzen ziradenak eta Zirineoak eta Alejandrinoak, eta Ziziliako eta Asiakoak, altxatu ziran Estebanekin disputatzea.

        10. Bañan ezin zuten itzegiten zuen jakinduriari eta Espirituari kontra egin.

        11. Orduan irabasi zituzten batzuek, esateko, aditu zutela berak Moisesen eta Jaungoikoaren kontra itz gaistoak.

        12. Eta ikaratu zuten erria, gizon zarrak eta Eskribak; eta konjuraturik, artu zuten eta eraman zuten konziliora.

        13. Eta atera zitusten testigu falsoak esateko: Gison hau beti dago itzegiten leku santuaren eta legearen kontra.

        14. Zergatik aditu diogu esaten: Jesus Nazareno onek lur biurtuko duela leku au, eta Moisesek eman zigun itzak trukatuko dituela.

        15. Eta Konzilioan zeuden guztiak beregan begiak jarririk ikusi zuten bere arpegia Aingeru batena bezela.

ZAZPIGARREN KAPITULUA

        1. Orduan Sazerdote aundiak esan zuen: Gauza oiek onela dira?

        2. Berak esan zuen: Anaiak eta Aitak, aditu ezazute: Gloriako Jaungoikoa agertu zitzaion gure Aita Abrahani, Mesopotamian zegoanean, Txaranen bizitu zan bañan lenago.

        3. Eta esan zion: Atera zaitez erritik, eta zure aideen artetik, eta etorri zaite nik erakutsiko dizudan lurrera.

        4. Orduan atera zan Kaldeoen lurretik eta bizitu zan Txaranen. Eta bere aita il zanean, eraman zuen, oraiñ zuek bizi zeraten lur onetara.

        5. Eta etzion eman oñ batere lur artatik, bañan eskiñi zion emango ziola berari eta bere ondoren, bere ondorengoari posesioan.

        6. Eta esan zion Jaungoikoak; Bere ondorengoak biziko zirala lur arrotsetan eta biurtuko zutela erria esklabitudera; eta gaistotuko zutela laregun (sic) urtean.

        7. Bañan aiek serbitu zuten jendea izango da juzgatua nigaitik; esan zuen Jaungoikoak. Eta gero aterako dira eta serbituko naute lur onetan.

        8. Eta eman zieten zirkunzisioko testamentua; eta onela egin zuen Isaak eta zirkunzidatu zuen zorzigarren egunean, eta Isaakek egin zuen Jakob eta Jakobek amabi patriarkak.

        9. Eta Patriarkak enbidiaz beterik saldu zuten Jose Ejiptorako, bañan Jaungoiko zegoen berarekin:

        10. Eta libratu zuen bere pena guztietatik; eta eman zion grazia eta jakinduria Pharaon Ejiptoko erregearen aurrean, zeñek egin zuen Ejiptoko eta bere etxe gustiko gobernatzallea.

        11. Etorri zan gero Ejiptoko eta Txanaango erri guztira gosea eta pena aundi bat: eta gure aitaak etzuten aurkitzen zer janikan.

        12. Eta Jakobek, aditu zuenean Ejipton garia zegoala bialdu zieten gure aitari aurreneko aldian.

        13. Eta bigarrenean, izandu zan Jose ezagutua bere anaiengatik eta bere linajea agertu zioten Pharaoni.

        14. Eta bialdu zuen Jose, eta juan asi zien bere aita Jakobi, eta bere aide guztiai, zeñak ziran irurogeita bost persona.

        15. Eta Jakob juan zan Ejiptora, eta an il zan bera eta gure aitak.

        16. Eta izan ziran eramanak Sitxema eta jarriak Abrahanek Hemoren semearen sillarrarekin erosi zuen sepulturan.

        17. Eta promesaren eguna alderatu zanean, jaungoikoak Abrahani juramentu egin zion bezela, asi zan erria eta aunditu zan Ejipton,

        18. Beste errege bat Ejipton altxatu zan artean, Joseph ezagutzen etzuena.

        19. Onek, bere astuaziarekin gure nazioaren kontra, obligatu zituen gure aitak beren semeak ustera, bizi etzitezen.

        20. Denbora artan jaio zan Moises, eta izandu zan Jaungoikoaren naigarria eta bere aitaren etxean izandu zan asia iru illabetean.

        21. Bañan gero abandonatu zuenean, artu zuen Faraonen alabak, eta asi zuen bere semea balitz bezela

        22. Eta Moises izandu zan erakutsia Ejipzioaren jakinduria guzian: eta zan aundia itzetan eta obretan.

        23. Eta berrogei urteko denbora kunplitu zuenean etorri zitzaion biotzera Israelgo bere anaiak bisitatzea.

        24. Eta ikusi zuenean oietako bat ofenditu zutela, defenditu zuen; eta benganza artu zuen Ejipzio illaz.

        25. Eta uste zuen, anaiak entendituko zutela, Jaungoikoak bere eskutik osazuna eman bear ziela; bañan berak etzuten entenditu.

        26. Eta urrengo egunean asarratzen zeudela, agertu zitzaien eta paken jarritzen zituen esanaz: Gizonak, anaiak zerate, Zergatik batak bestea gaiski tratatzen dezute?

        27. Bañan projimoa injuriatzen zuenak, apartatu zuen esanaz: Nork jarri zaitu gure artean agintaritzat eta jueza bezela?

        28. Edo nai nazu ni ere ill, atso Ejipzioa ill zenduen bezela?

        29. Eta itz onegatik iges egin zuen Moisesek, eta bizitu zan arrotza bezela Madiango errian nun egin zituen seme bi.

        30. Eta berrogei urte kunplitu ziranean, agertu zitzaion Sinako mendian Aingeru bat erretzen zegoan sasi baten garrean.

        31. Moises, ikusi zuenean, arritu zan bisio onezaz, eta kontenplatzeko alderatuaz, aditu zuen Jaunaren itza, esanaz:

        32. Ni naiz zure Aitaren Jaungoikoa, Abrahanen Jaungoikoa, Isaaken eta Jakoben Jaungoikoa. Bañan Moises ikaraturik, etzan atrebitzen begiratzera.

        33. Eta Jaunak esan zion: askatu itzatzu zure oñetakoak; zergatik zu zauden lekua, lur santua dan.

        34. Ikusi det nere erriaren pena, dagoana Ejipton, eta aditu det aien deadarra, eta jetxi naiz berak libratzeko, eta orain atoz, eta bialduko zaitut Ejiptora.

        35. Moises au berak bota zutena, esanaz: Zeñek egin zaitu Agintari eta Jueza? Au bera bialdu zuen Jaungoikoak, Aingeru sasian agertu zitzaionaren eskutik, Agintari eta Redenptorea bezela.

        36. Onek atera zituen Ejiptoko lurrean, eta itxaso gorrian, eta berrogei urteko desiertotik milagroak egiñaz.

        37. Au da Moises, Israelgo semeai esan ziena: Zuen anaien artetik altxatuko du Jaungoikoak ni bezelako Profeta, eta oni adituko diozute.

        38. Au da Elisan desiertoan egondu zana Sinako mendian gure aitaakin itzegiten zion Aingerua; guri bizitzako itzak emateko, artu zituena.

        39. Zeñi gure aitaak obeditu nai isan ziotena; lenago bota zuten, eta beren biotzakin biurtu ziran Ejiptora,

        40. Aaroni esanaz: Egin zaiguzu guri, aurrean dijoazen Jaungoikoak; zergatik ez dakigu zer gertatu zaion Ejiptotik atera ginduzen Moises oni.

        41. Eta egin zuten egun aietan zekor bat, eta eskiñi zioten Jaungoiko falsoari sakrifizioa, eta poztutzen ziran beren eskuetako obretan.

        42. Bañan Jaungoikoa apartatu zan, eta utzi zituen, zeruko ejerzitua serbitu zezaten, Profetaren liburuan eskribituta dagoan bezela: Etzirazuten eskeñi berrogei urtean desiertoan edo Israelgo etxean ofrendak eta sakrifizioa?

        43. Eta rezibitu zenduten Molotxko denda, eta Renpham zuen Jaungoikoaren izarra, adoratzeko egin ziñusten figurak. Bada nik eramango zaituztet Babilonia baño arunzago.

        44. Testimonioko tabernakuloa egondu zan desiertoan zuen aitakin Jaungoikoak agindu zuen bezela, Moisesi esanaz: Egin zezala ikusi zuen moldea bezela.

        45. Eta gure aitak artu zutenean, eraman zuten Josueren agintean, Jentilen posesiora, zeñak bota zituen Jaungoikoak, gure aitaen aurretik Dabiden egunetaraño.

        46. Zeñek aurkitu zuen grazia Jaungoikuaren aurrean, eta eskatu zuen tabernakuloa billatzea Jakoben Jaungoikoarentzat.

        47. Bañan Salomonek egin zion etxea.

        48. Bañan Jaun aundia ezta bizitzen gisonen egiñeran, Profetak esaten duen bezela.

        49. Zerua da nere Tronua; eta lurra nere oñetako tarima. Zer etxe igingo dezute? esaten du Jaunak, edo non dago nere deskansuko lekua?

        50. Etzituen egin nere eskuak gauza oiek gustiak?

        51. Buru gogorrekoak eta biotz eta belarri garbitu gabekoak, Espiritu Santuari kontra egin ziozuten beti, nola zuen Aitak, ala zuek ere.

        52. Zeiñ Profeta persegitu etzuten zuen Aitak? Berak ill zitusten Justuaren etorrerako notizia eman zutenak, eta orañ zuek izan zerate beraronzat traidore ta gison illzalleak:

        53. Aingeruen misterioz legea artu zendutenak, eta zuek etzenduten gorde.

        54. Gausa onelakoak aditzean, leer egin zuten beren barrenean, eta beraren kontra orzak estututzen zitusten.

        55. Bañan nola zegoan Espiritu Santuz beterik, Zerura begiratuta, ikusi zuen Jaungoikoaren gloria, eta Jesus zegoela sutik beraren eskubiko aldean. Eta esan zuen: Ona, nola ikusten ditudan zeruak irikirik, eta gisonaren semea, Jaungoikoaren eskubiko aldean zutik.

        56. Bañan berak deadar aundiak egiñaz, belarriak estali zitusten, eta gustiak batean arrabiaz beraren kontra juan ziran.

        57. Eta erritik kanpora aterata arrika egiten zioten; eta testiguak jarri zituzten beren arropak, Saulo deitzen zan mutil gaste baten oñetan.

        58. Eta arrika egiten zioten Estebani, zeñek erregutzen zuen, eta esaten zuen: Jesus Jauna, artu ezazu nere espiritua.

        59. Eta belaniko jarririk, deadarrez esan zuan: Jauna, etzaiezu bota pekatu onen kulpa. Eta au esan zuenean ill san Jaunean. Eta Saulo izan zan bere illzearen konsentitzallea.

ZORTZIGARREN KAPITULUA

        1. Eta egun artan mobitu zan persekuzio aundi bat, Jerusalenen zegoen elisan: eta izan ziran zabalduak Judeako eta Samariako probinzietan Apostoluez gañerakoak.

        2. Eta gison piadoso batzuek, eraman zuen enterratzera Esteban, eta negar asko egin zuten bere gañean.

        3. Bañan Saulok desegiten zuen Elisa etxeetan sartuta, eta indarrez gizonak eta emakumeak aterata, kaleera jarri azitzen zituen.

        4. Eta zabalduak izan ziranak, zijoazen leku batetik bestera, jaunaren itza erakusten.

        5. Eta Felipek, Samiako erri batera jetxita predikatzen zien Kristo.

        6. Eta jendeak aditzen zuten atenzioarekin Felipek esaten zuena, intenzio batekin adituaz, eta egiten zituen milagroak ikusiaz.

        7. Zergatik espiritu sikiñak zeuskaten asko, ateratzen ziran, deadar aundiak egiñaz.

        8. Eta baldatu eta erren asko izan ziran sendatuak.

        9. Orregatik ziudade artan izandu zan poz aundi bat. Zegoen an Simon zeitzaion gison bat, lenago majikoa errian isan zana, Samariako jendeak engañatzen, esanaz persona aundi bat zala bera;

        10. Eta danak txikietatik aundietaraño sinisten zioten, esanaz: Au da, andia deitzen zaion Jaungoikoaren birtutea.

        11. Eta atenditzen zioten: zergatik bere arte majikarekin atontatu zituen denbora luzean.

        12. Bañan Felipek, Jaungoikoaren erreinuaren gañean predikatzen ziena, sinistu zutenean, bateiatzen ziran Jesukristoren izenean gison eta emakumeak.

        13. Orduan Simonek sinistu zuen berak ere, eta bataiatuta gero, juan zan Feliperengana. Eta ikustean egiten ziran milagro aundiak, zegoen arritasunez beterik.

        14. Eta aditu zutenean Apostoluak, Jerusalenen zeudela, eta Samariak Jaunaren itza artu zuela, bialdu zieten Pedro eta Juan.

        15. Zeñak allegatu ziran bezela, erregutu zuten berakgaitik Espiritu Santua artu zesaten.

        16. Zergatik etzan oraindik etorri oietako iñoren gañean, baizik izandu ziran bataiatuak Jesus Jaunaren izenean bakarrik.

        17. Orduan jarzen zituzten eskuak beraren gañean, eta artutzen zuten Espiritu Santua.

        18. Eta nola ikusi zuan Simonek, Apostoluen eskuetatik ematen zala Espiritu Santua, eskiñi zieten dirua,

        19. Esanaz: Eman zarazute niri ere birtute ori, nik nere eskuak gañean ipin dioan gustiak, artu dezan Espiritu Santua. Eta Pedrok esan zion:

        20. Zure dirua izan dedilla zurekin, zure galdutazunerako: zergatik sinistu dezun Jaungoikoaren doea logratzen dala diruarekin.

        21. Ez dadukazu zuk ministerio onetan parterik eta ezta ere suerterik. Zergatik zure biotza ez dago zuzena Jaungoikoaren aurrean.

        22. Egin zazu zure malizi onen penitenzia: eta erregutu egiozu Jaungoikoari, baldiñ zure biotzeko pensamentu au barkatu izango bada.

        23. Zergatik ikusten det, zu zaudela gasitazuneko beasunean eta gaizkitazuneko lazoan.

        24. Eta Simonek erantzunaz esan zuen: erregutu zaiozute zuek Jaunari nigaitik, nere gañera etorri ez dedin, zuek esan dituzuten gausa oietakorik.

        25. Eta berak testimonioa eman da gero, eta Jaungoikoaren itza erakutsita; biurtu ziran Jerusalena, eta predikatzen zuten Samariako erri askotan.

        26. Eta Jaunaren Aingeruak itz egin zion Feliperi, esanaz: Altxatu zaitez, eta juan zaite eguardi aldera, Jerusalendik Gazara jetxitzen dan bidetik: an dago bakartazunean.

        27. Eta altxatuta juan zan. Eta ona emen, Etiopeko gison bat, Etiopiako erregina Kandazeren autua, zein zan bere tesoro gustien gordetzallea, eta etorri zan Jerusalenen adoratzeko.

        28. Eta biurzen zan bere gurdian, eta zijoan Isaias Profeta irakorten.

        29.

        30. Felipek alderatzean aditu zion irakorten zuela Isaias Profeta, eta esan zion: Entenditzen dezu irakorten dezuna?

        31. Erantzun zuen berak: nola dezaket, ez badago iñor erakutsi dizakedanik? Eta erregutu zion Feliperi igotzeko, eta eseri zedilla berarekin.

        32. Eta irakorten zuen Eskriturako lekua au zan: Ardia bezela izandu zan illtokira eramana, eta motzallearen aurrean arkuma mutuak bezela, ala onek etzuen aoa iriki.

        33. Bere humiltazunean bere juizioa izandu zan alabatua. Zeñek kontatuko du bere ondorengotazuna, zergatik bere bizitza izango dan lurretik kendua?

        34. Eta Eunukoak Feliperi erantzunaz, esan zuen: Erregutzen dizut: Zeñegatik esan zuen au Profetak? Beragatik edo besteem (sic) batengatik?

        35. Eta Felipek aoa irikita eta eskritura onetatik asi ta, aditzera eman zion Jesus.

        36. Eta bidean zijoazela, allegatu ziran, ura zegoen leku batera, eta esan zuen Eunukoak: Ona emen ura, zerk eragozten du ni bataiatzea?

        37. Eta esan zuen Felipek: Baldin biotz guztitik sinisten badezu ongi dezazuke. Eta berak eranzun eta esan zuen: Sinisten det, Jesukristo dala Jaungoikoaren semea.

        38. Eta agindu zuen gurdia gelditzeko, eta jetxi ziran Felipe eta Eunukoa urtara eta bataiatu zuen.

        39. Eta urtatik atera ziranean, Espiritu Santuak eraman zuen Felipe, eta etzuen geiago ikusi Eunukoak. Eta juan zan posturik bere bidean.

        40. Eta Felipe aurkitu zan Azoton, eta pasatzean predikatzen zuen Ebanjelioa erri guztietan, Zesareara allegatu artean.

BEDERATZIGARREN KAPITULUA

        1. Saulo bada Jaunaren diszipuluen kontra gaitzak eta eriotza oraindik bere barrenetik botatzen, presentatu zan Sazerdoteen agintariarengana.

        2. Eta eskatu zion kartak Damaskoko Sinagogetarako, fede onetan aurkitzen zituen guztiak, gisonak, eta emakumeak Jerusalema eramateko preso.

        3. Eta bidean zijoala, gertatu zan Damaskoren aldean zegoala, inguratu zuen subitoan zeruko argiaren argitazunak.

        4. Eta lurrera erorita aditu zuen ots bat, esaten ziona: Saulo, Saulo, Zergatik persegitzen nazu?

        5. Berak esan zion: Zein zera Jauna? Eta onek: Ni naiz zuk persegitzen dezun Jesus; gausa gogorra da zuretzat, akulluaren kontra ostikoak ematea.

        6. Eta ikaraz eta koloreak mudaturik, esan zuen: Jauna, zer nai dezu nik egin dezadan?

        7. Eta Jaunak esan zion berari: altxatu zaitez, eta sartu zaite Ziudadean, eta an esango zatzu, zer egitea konbeni zatzun. Eta lagunzen zioten gisonak, gelditu ziran arriturik, otsa ondo adituta, iñor ez ikustean.

        8. Eta Saulo altxatu zan lurretik, eta begiak irikita etzuen ezer ikusten. Eta eskutik eramanaz sartu zuten Damaskon.

        9. Eta egondu zan an, iru egunean, eta etzuen jan eta eran.

        10. Eta zegoan Damaskon Ananias zeitzaion Diszipulu bat, eta esan zion Jaunak: Ananias; Eta berak erantzun zion: emen nago Jauna.

        11. Eta Jaunak berari: altxatu zaitez eta zuaz, zuzena deitzen zaion barriora; eta billa ezazu Judasen etxean Saulo deitzen zaion Tarsoko bat; zergatik ona emen dago erregutzen.

        12. Eta ikusi zuen Ananias zeitzaion gison bat, beraren gana zijoala, eta eskuak jarzen zituela bista biurtuzeko.

        13. Eta esan zuen Ananiasek: Jauna, aditu det esaten askori, gison onengatik zenbait gaitz egin zien zure santuai, Jerusalenen;

        14. Eta onek daduka, Sazerdoteen Agintariakgatik, zure izena deitzen duten guziak preso egiteko poderioa.

        15. Bañan Jaunak esan zion: Zuaz, zergatik au da nik autu dedana, eramateko nere izena, jendeen, Erregeen eta Israelgo semeen aurrera.

        16. Zergatik nik erakutsiko diot, zenbat gausa nere izenagatik sufritu bear dituen.

        17. Eta juan zan Ananias, eta sartu zan etxean: eta eskuak bere gañean jarririk, esan zion: Anaia Saulo, bidean agertu zitzaitzun Jesusek bialdu nau bistea logratu dezazun eta Espiritu Santuz betea izan zaitean.

        18. Eta bedeala erori zitzaion begietatik eskama batzuk bezela, eta biurtu zitzaion bistea, eta altxatu zanean izandu zan bataiatua.

        19. Eta alimentua artu zuanean, indarrak biurtu zitzaion, eta egondu zan egun batzuetan Damaskon zeuden Diszipuluakin.

        20. Eta gero predikatzen zuen Sinagogetan Jesus zala Jaungoikoaren semea.

        21. Eta arritzen ziran, aditzen zioten guztiak, eta esaten zuten: Ez da au, Jerusalenen izen au otsegiten zutenak persegitzen zituena, eta orregatik etorri zana onera Sazerdoten agintarien aurrera preso eramateko?

        22. Bañan Saulo asko geiago aseguratzen zan eta arritzen zituen Damaskon bizi ziran Judioak eta afirmatzen zien au dala Kristo.

        23. Eta nola pasatu ziran egun asko, Judioak juntatu ziran ilzeko.

        24. Baña Saulo izandu zan adbertitua aien engañuaz. Eta gordetzen zitusten ateak gabaz eta egunaz illzeagatik.

        25. Eta Diszipuluak gabaz arturik, sartu zuten esparsusko saski batean, eta bota zuten paretetik.

        26. Eta Jerusalena etorri zanean, nai zuen juntatu Diszipuluakin; bañan gustiak zeukaten onen bildurra, Diszipulua etzalako.

        27. Orduan Bernabek, berekin artuta eraman zuen Apostoluengana; eta kontatu zien nola ikusi zuen Jauna bidean, eta itz egin zuela berarekin, eta nola gero predikatu zuan Damaskon Jesusen izenean.

        28. Eta egoten zala berakin Jerusalenen, sartutzen eta ateratzen eta libertadeakin Jaunaren izenean itz egiten.

        29. Baita ere itzegiten zuela Jentillakin, eta disputatzen zuela Griegoakin: eta berak ill nai zutela.

        30. Eta Anaiak jakin zutenean, lagundu zioten Zesarearaño, eta bialdu zuten Tarsora.

        31. Elisa orduan zeguan pakean, Judean, Galilean, eta Samaria gustian, eta asitzen zan Jaunaren bildurtazunean, eta zegoan Espiritu Santuaren postazunez beterik.

        32. Gertatu zan bada Pedrok gustiak bisitatzean, allegatu zala Liddan bizi ziran santuetara.

        33. Eta aurkitu zuen an Eneas zeitzaion gison bat zorzi urtean oian zegoena baldaturik.

        34. Eta esan zion Pedrok: Eneas, Jesukristo Jaunak sendatzen zaitu: altxa zaitez eta egin zazu oia. Eta bedeala altxatu zan.

        35. Eta ikusi zuten Liddan eta Saronan bizi ziran gustiak, eta konbertitu ziran Jaunagana.

        36. Baita ere bizi zan Joppen Diszipula bat, deitzen zana Tabitha, esan nai duena Dorkas. Eta zegoen egiten zituen limosnaz eta obra onez beterik.

        37. Eta gertatu zan egun aietan, gassotu zala, eta ill zan. Eta garbitu zutenean, jarri zuten afari tokian.

        38. Eta nola Lidda zegoen Joppen ondoan, aditu zutenean Diszipuluak Pedro an zegoala, bialdu zioten bi gison, erregutuaz. Etzaiteza gelditu guregana etorri bage.

        39. Eta altxaturik Pedro, juan zan aiekin. Eta allegatu zanean bedeala, eraman zuten afari tokira, eta ingurutu zuten alargun guztiak negarrez, eta Dorkasek egiten zien soñekoak erakutziaz.

        40. Baña Pedrok, danak kanpora atera azinda, belauniko jarririk, erregutu zuan: eta korputzarengana biurturik, esan zuen: Tabitha, altxatu zaitez. Eta berak iriki zituen bere begiak; eta Pedro ikusi zuanean eseri zan.

        41. Eskua eman zion, eta altxatu zuen. Eta Santuai eta alargunai otzeginda entregatu zien bizirik.

        42. Eta publikatu zan au Joppe gustian; eta sinistu zuten askok Jaunean.

        43. Eta ala izan zan, egondu zala Pedro egun askotan Joppen, Simon zeitzaion zurragille baten etxean.

AMARGARREN KAPITULUA

        1. Eta zegoan Zesarean Kornelio zeitzaion gison bat, italika deitzen zaion konpañi bateko agintaria,

        2. Relijiosoa eta Jaungoikoaren bildurtazunekoa bere etxe gustiakin, limosna asko egiten zituena, eta beti Jaungoikoari erregutzen zegoena.

        3. Onek ikusi zuen klaro bisioan, nonako orduan bezela, Jaungoikoaren Aingeru bat sartzen zala beragana, eta esaten ziola: Kornelio,

        4. Eta berak begiak aregan jarririk, bildurrez beterik, esan zuen: Zer da Jauna? Eta esan zion: Zure erreguak, eta zure limosnak igo dira Jaungoikoaren aurrera,

        5. Bialdu itzatzu bada orain gisonak Joppera, eta etorri asiyozu onera Simon, izengoitiz Pedro deitzen zaion bati;

        6. An dago Simon izena duen zurragille baten etxean, itxasoaren ondoan: berak esango dizu zer igitera konbeni zatzun.

        7. Itzegiten zion Aingerua juan zanean bedeala, otzegin zien bere serbitzalleetako biri, eta Jaungoikoaren bildurtazuneko soldadu bati, bere ordenetan zegoanari.

        8. Eta kontatu zienean gustia, bialdu zituen Joppera.

        9. Eta urrengo egunean, berak bidean zijoazela, eta ziudadearen ondoan zeudela, igo zan Pedro, etxeko goienera erregutzeko, sestako orduaren aldean.

        10. Eta goseaz arkiturik gasaldu (sic) nai zuan. Eta preparatzen zioten bitartean, etorri zitzaion espirituko aunditazun bat.

        11. Eta ikusi zuen zerua irikia, eta jetxitzen zala baso bat, lienzo aundi bat bezela, lau eskinetatik loturik, zerutik lurrera beeratua zana.

        12. Zeñean aurkitzen ziran lurreko lau oñeko, eta oñ bageko animali guztiak, eta zeruko egastiak.

        13. Eta etorri zitzaion ots bat esan ziona: Altxatu zaitez, Pedro, ill itzatzu eta jan itzatzu.

        14. Eta Pedrok esan zion: Ez Jauna, zergatik ez dedan beñere jan gauza komunik eta zikiñik.

        15. Eta gero esan zion berari: Jaungoikoak garbitu duena ez dezazu deitu komuna.

        16. Eta au esan zan iru alditaraño, eta gero basoa biurtu zan zerura.

        17. Eta Pedro bere artean dudan zegoan bitartean, zer izango zan ikusi zuen bisioa, ona emen allegatu ziran atera Korneliok bialdu zituen gisonak, Simonen etxea gatik galdetzen.

        18. Eta otzegin zutenean, galdetzen zuten, Simon, izengoitiz Pedro zeitzaiona, an zegoan.

        19. Eta Pedro bisioan pensatzen zegoala, esan zion Espirituak: Ona emen iru gison zure billa.

        20. Altxatu zaitez bada, jetxi zaitez, eta zuaz berarekin dudatu bage, zergatik nik bialdu dituan.

        21. Pedro gisonetara jetxita, esan zien: ikusi nazazute, ni naiz zuek billatzen dezutena; zer da zuek etorri zeraten motiboa?

        22. Eta berak esan zioten: Kornelio agintariak, gison justu, eta Jaungoikoaren bildurtazunekoa, eta judioen nazio gustian testimonioa daukanak, artu du errespuesta Aingeru Santuagandik, bere etxera otsegin asizeko zuri, eta aditu zitzala zure itzak.

        23. Pedrok bada, sartu asiñik, etxean artu zituen. Eta urrengo egunean jeki zan, eta juan zan berakin; eta anaietako batzuek lagundu zioten Joppera.

        24. Eta beste egun bat geroago sartu zan Zesarean. Kornelio bere aide, eta adiskide aundienak gonbidaturik itxooten zegoan.

        25. Eta gertatu zan, Pedro sarzeko zegoanean, atera zitzaion Kornelio, eta bere oñetara eroririk, adoratu zuen.

        26. Bañan Pedrok jaso zuen, eta esan zion: Altxatu zaitez, bada ni ere gizona naiz.

        27. Eta sartu zan berarekin itzegiten, eta arkitu zituen juntatu ziran asko;

        28. Eta esan zien: Zuek dakizute, nola dan gausa itxusia judio batentzat, arrotz batekin juntatzea, edo alderatzea; bañan Jaungoikoak agindu dit, gison iñori ez deitzeko zikiña.

        29. Eta orregatik etorri naiz bildur bage, otzegin didazutenean bedeala. Galdetzen det bada: Zergatik etorri asin dirazute?

        30. Eta esan zuan Korneliok: Gaur dira lau egun nengoala neure etxean erregutzen nonako orduan, eta ona emen jarri zitzaidan aurrean gison bat soñeko suri batekin, eta esan ziran:

        31. Kornelio, zure erregua aditua izan da, eta zure limosnak etorri dira Jaungoikoaren aurrean.

        32. Bialdu itzatzu bada Joppera, eta otsegin asiyozu Simon izengoitiz Pedro deitzen zaionari; au dago Simon zurragillearen etxean, itxasoaren ondoan.

        33. Eta bedeala bialdu nituen zure billa; eta ongi egin dezu etorzea. Eta orain gaude gustiok zure aurrean Jaunak agindu dizun gausa gustiak aditzeko.

        34. Orduan Pedrok itzegin zuen, eta esan zien: Egiaz ezagutzen det, ez dala Jaungoikoa personen artzallea,

        35. Bañan edozein jendetan, beraren bildurra daukatenetan, kontentatzen da.

        36. Jaungoikoak bialdu zien itza Israelgo semeai, Jesukristo gatik pagea abisatuaz: (au da gustien Jauna)

        37. Zuek dakizute Judea guztian izandu dala egiña itza; eta Galileatik asita, eta Juanek bataioaren ondoren predikatu zuela,

        38. Jesus Nazareno; Jaungoikoa bezela untatu zuen Espiritu Santuz, eta birtutez, bera ebilli zan on egiten, eta deabruagatik estutu zeuden gustiak sendatzen, zergatik berarekin zegoan Jaungoikoa.

        39. Eta gu gera testigu Judioen lurrean eta Jerusalenen egin zuen gustiarena; eta berak ill zuten au egur batetik txintxillika jarririk.

        40. Au pistu zuen Jaungoikoak irugarren egunean, eta nai zuen jakiñ asitzea,

        41. Ez erri guztiari, baizik Jaungoikoak lenago agindu zuen testiguari, eta guri, illen artetik piztuta gero, berarekin jan eta eran genduenai.

        42. Eta agindu zigun predika genzala erriari, eta eman genzala testimonioa, bera dala Jaungoiko jarri duena biziak, eta illak juzgatzeko.

        43. Oni ematen diote testimonioa Profetak, beragan sinisten duten gustiak, artuko dutela bere izenean, pekatuen barkazioa.

        44. Itz oiek oraindik Pedro esaten zegoala, jetxi zan Espiritu Santua, itza aditzen zeuden gustien gañean.

        45. Eta ikaratu ziran, zirkunsiziokoak ziran fedekoak, eta Pedrorekin etorri ziranak, Espiritu Santuaren grazia issuri zalako, Jentillen gañean ere.

        46. Zergatik aditzen zitusten izkunzetan itz egiten, eta Jaungoikoaren gausa aundiak esaten.

        47. Orduan erantzun zuan Pedrok: iñork eragotzi lezake bataiako (sic) ura, guk bezela, Espiritu Santua rezibitu duen oieri?

        48. Eta agindu zuen bataiatuak isan zitezela Jesukristo Jaunaren izenean. Orduan erregutu zioten gelditu zeriela berakin egun batzuetan.

AMAIKAGARREN KAPITULUA

        1. Eta aditu zuten Apostoluak, eta Judean zeuden anaiak, Jentillak ere artu zutela Jaungoikoaren itza.

        2. Eta Pedro Jerusalena pasatu zanean, disputatzen zuten beraren kontra zirkunzisiokoak ziranak,

        3. Esanaz: Zergatik sartu dituzu zirkunzidatu bage dauden jendeak, eta jan dezu berakin?

        4. Eta Pedrok gausak aurrenetik artuta, deklaratu zien beren ordenaz, esanaz:

        5. Ni nengoan Joppeko errian erregutzen, eta ikusi nuen, sorabio batean bisio bat, jetxitzen zala baso bat lienzo aundi bezela eta zetorrela zerutik, lau puntaetatik lotuta, eta etorri zan nigana.

        6. Eta nola nengoen ni begiratzen, eta pensatzen; ikusi nituenean, lurreko lau oñeko animaliak, eta oñik gabeak, eta zeruko egastiak.

        7. Eta aditu nuen ere ots bat esaten zirana: Altxatu zaitez, Pedro, ill itzatzu eta jan itzatzu.

        8. Eta esan nuen: Ez det egingo Jauna, zergatik nere aon ez da beñere sartu gauza zikiñik.

        9. Eta eranzun ziran berriz zeruko otsak; Jaungoikoak garbitu duana, ez dezazula deitu zikiña.

        10. Eta au egin zan iru aldiz; eta biurtu zan au gustia zerura.

        11. Eta ona nola, etorri ziran bedeala iru gison ni nengoen etxera, Zesareatik neregana bialduak.

        12. Eta esan ziran Espirituak, juan nediela aiekin, batere dudatu bage. Eta sei anaia oiek ere nerekin, eta sartu giñan gison aren etxean.

        13. Eta kontatu zigun, nola ikusi zuan bere etxean, aurrean jarri zitzaion Aingerua, eta esan ziola: bialdu itzazu Joppera, eta etorri asi zazu Simon izengoitiz Pedro deitzen zaiona,

        14. Zeñek esango dizu, zu eta zure etxea salbatuko dituzten, itzak.

        15. Eta itz egiten asi ninzanean, jetxi zan Espiritu Santua aien gañean, aurrenean zuen gañean bezela.

        16. Eta oroitu ninzan orduan Jaunaren itzaz, berak esan zituen bezela: Juanek egiaz bataiatu zuen urean, bañan zuek izango zerate bataiatuak Espiritu Santuan.

        17. Bada Jaungoikoak eman bazien aieri, Jesukristo Jaunea sinistu genduenai eman zigun grazia bera; Zein ninzan ni Jaungoikoari eragotzi nezakeana?

        18. Eta au aditu zutenean issildu ziran; eta glorifikatu zuten Jaungoikoa, esanaz: beraz Jaungoikoak Jentillai ere eman die penitenzia, bizitzarako.

        19. Eta beste, Estebanen kausaz gertatu zan persekuzioa gatik, zabalduak izan ziranak, allegatu ziran Fenizia, Txipre, eta Antiotxiaraño, ez itza besteai predikatzen, baizik Judioai bakarrik.

        20. Eta aien artean zeuden Txipre, eta Zireneko batzuek, zeñak Antiotxian sartu ziranean, itz egiten zieten Griegoai ere, eta aditzera ematen zien Jesus Jauna.

        21. Eta Jaunaren eskua zegoan aiekin; eta sinisten zuten asko biurtu ziran Jaungoikoagana.

        22. Eta allegatu zan gausa oien fama Jerusalenen zegoan Elisaren aditzera, eta bialdu zuten Bernabe Antiotxiara.

        23. Allegatu zanean, eta Jaungoikoaren grazia ikusi zuanean postu zan: eta erregutzen zien gustiai Jaunean firme egon zitezela, beren biotzeko proposituan:

        24. Zergatik zan gison ona, eta espiritu Santuz eta fedez betea. Eta alderatu zuzan jende asko Jaunagana.

        25. Eta andik juan zan Bernabe Tarsora Sauloren billa; eta aurkitu zuanean, eraman zuen Antiokiara.

        26. Eta egondu ziran urte gustian elisa onetan: eta erakutsi zituen jende asko, alako moduan, zer Antiotxian izandu ziran lenena, kristauak deitzen ziran Diszipuluak.

        27. Eta egun aietan jetxi ziran Jerusalendik Antiotxiara Profeta batzuek:

        28. Eta Agabo izena zuen oietako batek, altxatuta, adiera ematen zien espirituz, etorri bear zuela gose aundi bat mundu gustira, eta au etorri zan Klaudioren denboran.

        29. Eta diszipuluak, bakoitzak bere fakultadeen moduan, pensatu zuten Judean bizi ziran anaiai, sokorruren bat bialdutzea.

        30. Egin zutena Bernabe eta Sauloren eskutik, gison zarrai bialduaz.

AMABIGARREN KAPITULUA

        1. Eta denbora artan bertan, Herodes Erregeak, bialdu zituen tropak, Elisako batzuek gaiski tratatzeko.

        2. Eta ill zuen kutxilloz Santiago, Juanen anaia:

        3. Eta ikusi zuenean, egiten ziela gustoa Judioai, juan zan Pedro preso egitera. Orduan ziran orrans bageko ogiaren egunak.

        4. Eta preso egin asita, jarri zuen karzelan, eta eman zien gordetzeko lau soldadusko lau piketeri, Paskua ondoren erriari atera naiean.

        5. Eta Pedro karzelan, onela gordetzen zuen artean, Elisak erregutzen zion beragatik Jaungoikoari, gelditu bage.

        6. Bañan Herodesek atera bear zuenean, zegoen Pedro lotan soldadu biren artean kate burnisko birekin loturik: eta guardak zeuden atearen aurrean karzela gordetzen.

        7. Eta ona emen etorri zan Jaunaren Aingerua, eta argi egin zuen suak leku artan, eta Pedro alboan jota esnatu zuen, eta esan zion: Altxatu zaite bedeala. Eta erori ziran bere eskuetako kateak.

        8. Eta Aingeruak esan zion; janzi zaite, eta jarri itzatzu zure oñetakoak. Eta ala egin zuen. Eta esan zion: bota ezazu zere gañean zure arropa eta segitu nazazu.

        9. Eta atera zan, eta segitzen zion: eta etzekien Aingeruak egiten zuena egia ote zan, bañan uste zuen, ikusten zuela berak bisioa.

        10. Eta lenengo eta bigarrengo guardia pasatu zutenean, allegatu ziran ziudadera dijoan burnisko atera, eta iriki zitzaioten berez. Eta atera zirenean pasatu zuten kale bat: eta gero apartatu zan beragandik Aingerua.

        11. Orduan Pedrok, beregan biurtu zanean, esan zuen: Orain dakit egiaz, Jaunak bialdu duela bere Aingerua, eta libratu nau Herodesen eskutik, eta Judioen erriko ansia guztitik.

        12. Eta au konsideratu zuanean, juan zan Juan, izengoitiz Markos deitzen zanaren Amaren etxera, non zeuden asko bildurik, eta erregutzen.

        13. Eta berak patioko atea jota, Rhode zeitzaion neskatxa bat atera zan aditzera.

        14. Eta Pedroren itza ezagutu zuenean, posez etzuen iriki atea, baizik juan zan korrika barrena, eta eman zuen notizia, Pedro atean zegoala.

        15. Eta aiek esan zioten: Soratuta zaude zu. Baña arek afirmatzen zuen ala zala. Eta berak esaten zuten: bere Aingerua da.

        16. Bitartean Pedro zegoen otsegiten, eta iriki ziotenean, ikusi zuten, eta gelditu ziran izuturik.

        17. Eta nola berak egin zien eskuarekin señalea, issillik egoteko, kontatu zien, Jaunak karzelatik atera zuen modua, eta esan zien: Jakin asi zaiozute au, Santiagori eta anaiari. Eta andik aterata juan zan beste leku batera.

        18. Eta egunaz izan zanean, izandu zan alboroto aundi bat soldaduen artean, zer gertatu ote zan Pedrorekin.

        19. Eta Herodesek, billatu azinda, arkitu etzuenean, guardak esamiñaturik, agindu zuen eramateko; eta juan zan Judeatik Zesareara, eta an gelditu zan.

        20. Zegoan asarraturik, Tiro eta Sidongoen kontra. Bañan aiek beren borondatez etorri ziran berengana, eta Blasto, erregeren ondorengoa irabazi zutenean, eskatzen zuten pakea, zergatik beren lurrak ziraden erregeagatik aundituak.

        21. Eta egun señalatu batean, Herodes Erregeren soñekoa janzirik, eseri zan tribunalean, eta egiten zien bere platika.

        22. Eta erriak alabatzen zuen esanaz: Jaungoikoaren itzak, eta ez gisonarenak.

        23. Eta bedeala heritu zuen Jaunaren Aingeruak, zergatik honratu etzuen Jaungoikoa; eta arrak janik, ill zan.

        24. Bañan, Jaunaren itza aunditzen zan.

        25. Eta Bernabe eta Saulo biurtu ziran Jerusalendik beren enkargua kunplitu zutenean, eta eraman zuten berekin Juan izengoitiz Markos zeitzaiona.

AMAIRUGARREN KAPITULUA

        1. Zeuden bada Antiotxian zegoen Elisan Profetak eta Doktoreak, eta aien artean Bernabe eta Simon, Nijer deitua, Luzio Zirenekoa, Manahen Herodes Tetrartxaren anai esnekoa, eta Saulo.

        2. Eta aiek Jaunari serbitzen zeudela eta baraur egiten, esan zien Espiritu Santuak: Apartatu nazu Saulo eta Bernabe enkargatu ditudan obrarako.

        3. Orduan barua egiñaz, eta erregu egiñaz, eta eskuak gañean jarririk bialdu zituzten.

        4. Eta aiek Espiritu santuagaitik ala bialduak, juan ziran Seleuziara eta andik itxasoz Txipreraño.

        5. Eta Salaminara allegatu ziranean, predikatzen zuten Jaungoikoaren itza, Judioen Sinagogetan. Eta zeukaten ere Juan ministerioan.

        6. Eta itxaso ingurua pasatu zutenean Paphoraño, aurkitu zuten gison Mago Profeta falso eta Judioa Barjesus deitzen zana,

        7. Zein zegoen Serjio Paulo Gobernadore gison prudentearekin. Onek, Bernaberi eta Saulori deitu azinda, nai zuen aditu Jaungoikoaren itza.

        8. Bañan Elimas Magoak (zergatik ala deitzen zioten) kontra egiten zieten, Gobernadorea fedetik apartatzeagaitik.

        9. Baña Saulok, deitua ere Pablo, Espiritu Santuz beterik, begiak beregan jarririk,

        10. Esan zuen: Oh, engañuz eta maliziaz beterik, deabruaren semea, eta justizia gustiaren etsaia, etzera nekatuko, Jaunaren bide zuzen gustiak nastutzen.

        11. Bañan ona emen orain zure gañean Jaunaren eskua, eta izango zera itxua, ikusiko ez dezuna eguskia, denbora jakin bateraño. Eta gero erori zan illuntasunean, eta leku gustietatik biurturik, billatzen zuen, zeñek eskua emango zion.

        12. Prokonsulak orduan egintasun au ikusi zuanean, Jaunaren dotriñaz arriturik artu zuen fedea.

        13. Eta Paulo bere lagunakin atera ziran Paphotik, eta juan ziran itxasoz Perjes Panphiliakora. Bañan Juan aietatik alde egiñik, biurtu zan Jerusalena.

        14. Eta aiek Perjes pasatuta, juan ziran Pisiadiako Antiotxiara; eta Sapatuko egun batean sinagogan sartuta, eseri ziran.

        15. Eta legearen eta Profeten lezioaren ondoren, bialdu zitusten Sinagoga Agintariari esatera: Gison anaiak, esan bear badiozute erriari sermoiko itzeren bat, esan zazute.

        16. Eta Pablok altxatuta, eta eskuarekin issillik egoteko señalea egiñaz, esan zuen: Gison Israelitak, eta Jaungoikoaren bildurra daukazutenak, aditu ezazute:

        17. Israelgo erriko Jaungoikoak autu zituen gure aitak, eta aunditu zuen erria, Ejiptoko lurrean aiek arrotzak ziranean, nondik atera zituen bezo aundiarekin.

        18. Eta sufritu zituen desiertoan aien kostunbreak berrogei urtean.

        19. Eta zazpi nazio utz biurtuta Kanaango lurrean, partitu zuen suertez beren artean lurra,

        20. Larogei eta berrogei ta amar urte bezela, geroztik, eta gero eman zien bedeala juezak, Samuel Profetaraño.

        21. Eta gero eskatu zuten Erregea, eta Jaungoikoak eman zien Saul Zisesen semea Benjamingo erriko gisona.

        22. Eta au kenduta altxatu zien Erregetzat Dabid, zeñi eman zion testimonioa, esanaz: Aurkitu det Dabid, Jeseren semea, gizon, nere biotzak dion bezela, nere borondate guztiak egingo dituena.

        23. Eta onen linajetik, eskeñi zuen bezela, ekarri du Israela, Jaungoikoak Jesus Salbatzallea,

        24. Joanek bere etorrera baño lenago predikatuta bataioko penitenzia, Israelgo erriari.

        25. Eta Juanek bere karrera kunplitu zuanean, esan zuen: Ez naiz ni, zuek naizela uste dezutena, bañan ona emen, nere ondoren dator, ni bere oñetakoak askatzeko, merezitzalle ez naizen ura.

        26. Gison anaiak, Abrahamen linajeko semeak, eta zuen artean Jaungoikoaren bildurtazunekoak, zueri bialtzen zazute osazun onen itza.

        27. Zergatik Jerusalenen bizi ziranak, eta ango Agintariak etzuten ezagutzen au, eta ezta ere sapatu bakoitzean irakorzen ziran itzak, kunplitu zitusten sentenziatuaz.

        28. Eta nola arkitzen etzioten eriotzako batere motiborik, eskatu zioten, bizia kendu zitzaiola.

        29. Eta beragatik, eskribitu ziran gauza gustiak kunplitu ziranean, kendu zuten egurretik, eta jarri zuten Sepulkroan.

        30. Bañan Jaungoikoak pistu zuen illen artetik irugarren egunean; eta ikusi zuten aiek, egun askotan,

        31. Igo zirala berarekin Galileatik Jerusalena, zeñek oraindaño ematen dute, beraren testimonia erriari.

        32. Eta guk abisatzen dizutegu gure aitai egin zitzaten promesa ura:

        33. Zeña egiaz kunplitu die Jaungoikoak gure semeai, Jesus pistutzen; eskribituta dagoan bezela bigarren Psalmoan: Zu zera nere semea, nik egin zaitut.

        34. Eta illen artetik pistu zuela, ez geiago illzeko, esan zuen onela, emango dizutet Dabiden gausa guztiak firmeak.

        35. Eta orregatik esaten du ere beste leku batean: Ez dizu utziko, zure Santuak ikusi dezan usteltazunik.

        36. Zergatik Dabid, bere denboran serbituta, ill zan Jaungoikoaren borondatez, eta izandu zan jarria bere aitakin, eta izan zan usteldua.

        37. Bañan Jaungoikoak illen artetik pistu zuen ura, etzan usteldu.

        38. Jakin ezazute bada, gison anaiak, onengatik etorri zazutela pekatuen barkazioa, eta Moisesen legean justifikatuak ezin izandu ziñaten guztia.

        40. Gorde zaitezte bada, zuen gañean etorri ez dedin, Profetak esan zutena;

        41. Begira ezazute, kasorik egiten ez dezutenak, eta arritu zaitezte, eta alde egizute, zergatik nik egiten dedan zuen egunetan obra bat, zuek sinistuko ez dezutena, norbaitek esango balizuteke.

        42. Eta berak ateratzean erregutu zioten, urrengo zapatuan esan zitzaiela itz aiek.

        43. Eta Sinagoga despeiuta, Judio asko eta Jentillak Jaungoikoaren bildurtazunekoak, segitu zieten Pablori eta Bernaberi; eta oiek erregutzen zieten, egon zitezela firme Jaungoikoaren grazian.

        44. Eta urrengo sapatuan juan zan kasi erri gustia Jaungoikoaren itza aditzera.

        45. Eta Judioak, jendeak ikusi zitustenean, bete ziran zeloz, eta gaiski itzegiñaz, kontra egiten zioten, Pablok esaten zuenari.

        46. Orduan Pablok eta Bernabek esan zieten firmezaz: zueri itz egin bear zan aurrena, Jaungoikoaren itza; baña kasorik egiten ez dezutelako, eta juzgatzen zeraten, betiko bizitzaren mereziezgarriak, emendikan biurtzen gera Jentillengana.

        47. Zergatik Jaunak, ala agindu zigun; nik jarri zaitut, jendeen argitazunerako izan zaitezen osasunean lurraren atxeneraño.

        48. Jentillak au aditu zutenean, postu ziran, eta glorifikatzen zuten Jaunaren itza; eta sinisten zuten lenagotik autuak izan ziranak, betiko bizitzara.

        49. Eta Jaunaren itza zabaltzen zan leku gustian.

        50. Bañan judioak, gaiski jarri zitusten emakume debota eta aunditazuneko gustiak, eta erriko prinzipalak, eta mubitu zuten persekuzioa Pabloren eta Bernaberen kontra, eta bota zitusten beren inguruetatik.

        51. Orduan berak, beren oñetako autsa beren kontra botata, juan ziran Ikoniora.

        52. Eta Diszipuluak zeuden posez, eta Espiritu Santuz beterik.

AMALAUGARREN KAPITULUA

        1. Eta gertatu zan Ikonion, sartu zirala alkarrekin Judioen Sinagogan, eta an predikatu zuten, eta Judioetako, eta Griegoetako askok, sinistu zuten.

        2. Bañan sinistu etzuten Judioak altxatu ziran, eta irritatu zitusten Jentillak beren anaien kontra.

        3. Orregatik gelditu ziran denbora luzean, jaunean konfianzarekin bearra egiten, zeñek ematen zuen testimonioa bere graziaren itzan, beren eskuetatik milagroak eta gausa arrigarriak egin zitezen, lizenzia emanaz.

        4. Eta apartatu ziran erriko jendeak; eta batzuek zeuden Apostoluak gatik, eta besteak Judioak gatik.

        5. Bañan Jentillak eta Judioak, beren agintariakin, alborotatu ziran, burlatzeko eta arrika emateko aieri,

        6. Esagutu zutenean berak, igez egin zuten Listrara eta Derbera, Likaoniako ziudadeak, eta aien inguru gustietara, eta an predikatzen zuten Ebanjelioa.

        7. Eta Listran zegoen gison bat oñetatik baldaturik, bere amaren zabeletik errena, beñere ebilli etzana.

        8. Onek aditu zuen Pablo predikatzen, zeñek begiak beregan jarririk, eta ikusirik sendatua izateko fedea zeukala,

        9. Esan zuan: Altxatu zaite zutik zeure oñen gañean; eta berak salto egin zuan, eta ibilli zan.

        10. Jendeak ikusi zutenean Pablok egin zuena, deadar egin zuten, eta esan zuten likaoniako izkuntzan: Jetxi dira gugana Jaungoikoak, gisonen forman.

        11. Eta ematen zioten Bernaberi Jupiterren izena, eta Pablori Merkuriorena, zergatik bera zan itzegiten zuena.

        12. Baitaere ziudadeko sarreran zegoen Jupiterren Sazerdoteak, ateen aurrera zezenak eta girnaldak ekarrita, nai zuen sakrifikatu erriarekin.

        13. Eta Bernabe eta Pablo Apostoluak, aditu zutenean, beren soñekoak puskatuta, saltatu ziran jendeen erdira deadarrez:

        14. Eta esanaz: Gisonak, zergatik egiten dezute au? Gu ere zuek bezela, gison mortalak gera, eta predikatzen dizutegu gausa uts oietatik, biurtu zaiteztela zerua, lurra, eta itxasoa, eta oietan dagoen gustia egin zuen, Jaungoiko biziarengana;

        15. Ze&ntil