OSTOAK BIDEAN...

Udazken garaia...

Beroa'k amaia...

Xirimir-euri,

yaio-berri...

Lañuak anaia.

Datoz mendi-bera,

aterpe epelera,

artalde ta artzai;

bai-dute zai

negu-biziera.

Bidera yausiak osto ustel busti,

Ni

zuek ikutzeko, abarkaz yantzi...

Udako uso txuri abarketa arin,

min

nuke ba, zu zauritzen lokatzakin...

Ate yoka ari da, iltzalle Negu!

Su,

aitonaren zaindari, ernai degu...

© Telesforo Monzon