Gudarien egiñak - Telesforo Monzon

ALARGUN ZOROARENA

«Lenbiziko doñuz»

«Etxebeltz» baserriko

Alargun zoroa,

egunez ez ageriko...

Gauaz irtetzen sorora...!

Ta illuna zulatuaz

irrintzi zorrotzez

bere itzok egazka doaz

mendiz-mendi, oiartzunez:

«Ni naiz, ni —dio— alargun zoroa!

Senar ta iru seme batean galdua...

Aien oiak oztu dizkik, guda madarikatua!»

Bel-beltzez yantzi, illeak aske utzi,

egunaz gau egin ta gauaz irrintzi...

«Non dira beste zoro oiek, gudan nai zutenak asi?»