BERTSOLARIAREN DEIA!

                        «Bigarren doñuz»

           Itxasoa utzi ta menditik yetxita

           bil zaitezte enparantzan

           bertsolaria dabil abestuz-eta

           guda aipatu naiean.

           Euskalerri'ko mutillen egintzak

           erakutsi semeari,

           Gudariari zor diogun aintzak

           izan ez dezan amai!

           Soiñez erregearen semea,

           gogoz aingeru antza berea.

           Mendian txoria bezin arin,

           alkandora txuriz ta prakarin.

           Lekaixu, irrintzi, zantzo, t'oiu!

           Bular gaztea burnizko du:

           Eriotza artuaz kantari,

           beldurra zer ote dan ez daki!

           Euskal Gudarien izena

           zabal bedi gizadi barrena.

           Mendian izan arren otsoa,

           galduarentzat arkumetxoa.

           Iñori gorrotorik gabe,

           arek aske izatea maite.

           Erantzi txapelak, euskaldun...

           ta Gudarien egiñak entzun!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon