GUDARA...!

                        «Bigarren doñuz»

           Yaiki mutillak! Yaiki! Yaiki ta entzun!

           Igo arin mendira!

           Geuretar gaixto batzuk aien billa yun

           ta arrotzak emen dira!

           Euskalerri'ko mendi zelaietan

           ageri da morua!

           Batera datoz, ikusi naiean

           Euskalerri galdua!

           Birrindu nai ornen dute euskera,

           ta geure Erri, arekin batera!

           Odoletan ito Lege Zarra...

           Yaiki! Bestela galduak gera...

           Eraman dezala berea

           ostu nai digunak bakea!

           Arrantzale ta nekazari:

           Igo mendietara kantari!

           Odol naiean aurrera datoz.

           Irun'go mendiak sutan dagoz!

           Askatasun alaiaren aurka

           gorrotoak bat eginda dauzka:

           Franko'tar, Erroma'ko seme

           ta doixtar basatiak ere!

           Entzun, entzun gudaren otsa...

           Yaiki Mutillak! Gora biotza!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon