NOLA NAPARRAK GEURE AURKA?

                        «Bigarren doñuz»

           Artean, Bizkai'ko semeak Artxanda'n

           illuntzi baten bildu,

           ta Bilbo'ko kale barrena, gauean

           abestuaz agertu.

           Agure ta andra, ume ta neskatil

           arnas artzeke dira

           gau illunean, geldirik eta ixil,

           gazte aiei begira...

           Eibartarrak Donosti'ra doaz

           ta, bertakoekin bat egiñaz,

           militar españarrak zapaldu

           ta aien eskutatik erria artu.

           Gurutzea ezpatarekin

           etsaiak duala bat egin

           aurrera dator, Euskalerri

           suaz biurtu naian illerri!

           Napartarrak nola gure aurka

           Ama batek semetzat ba'gauzka?

           Odolak egin ba gaitu anai,

           nork egin nai gaitu alkar etsai?

           Naparraren itzal zabala

           ludian seirak bat giñala!

           Sei adar, Zugaitz baten egur...

           Aizkolarieri diet beldur!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon