ELGETA'N ANAIEN LAZTANA

                        «Bigarren doñuz»

           Kalamuta'tik Ubera ingururaño,

           ta andik Kanpantzar'era

           gure gazteak, mutil eder ta yaio

           sakabanatu dira.

           Naiz-eta artean aiek ez Gudari

           bake mutillak baño,

           gudan asi orduko arrotzari

           bultza mendi beraño.

           Bekoak atzera gora igo nai,

           ta Elgeta'n gureak aien zai...

           Landaetan arrotzen odola

           ta aiek ezin izan igo gora!

           Gero, Intxorta gaiña artu zuten

           baiña Bediaga ara emen...

           ta, zauritu dala burrukan,

           Intxorta atzera gure eskuetan!

           Gipuzkoar seme ta Bizkaitar

           muga-mugan besarkatuz alkar,

           Araba ta Naparra'tik ere

           gazteak igesi geure alde...

           Ta Euzkadi'k bizi-zoria

           Bizkaia'n zuala ipiñia,

           euskaldunak, alkarren anai,

           yarri ziran sutan!, arrotzen zai.

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon