ASI!, ASI...!

                        «Bigarren doñuz»

           Arrotzak uste zuan Bizkai osoa

           nai bezin errex artu,

           ta, ara, non bear izan zuan! gaixoa!

           muga-mugan geratu.

           Gipuzkoa'n bai, eskutsik giñala,

           aiek etorri arro.

           Lau izkillu zar artu ditugula

           dabiltz apaltxoago!

           Euren agintarien samiña,

           Bilbo'n zaldi gain ager eziña...!

           Bidali ziguten agindua:

           «Burua apaldu, bestela... sua!

           Txoriz beteko degu ortzi,

           Bilbo, odoletan, erre ta autsi,

           ta uraxe izango gure parra,

           orduko zuen odol-negarra!»

           Baiñan euskotarrak izutu ez:

           «Asi!, asi!» arei deadarrez,

           Euzkadi birrindua naiago

           arrotzen oiñazpietan baño!»

           Ta alaxe... goiz baten ageri

           Bilbo gain txori beltz ugari...

           Naizta etxeak erre ta autsi,

           gudariak mendietan... eutsi!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurrra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon