ZUGAIZPEKO ZIÑA

                        «Irugarren doñuz»

Bertsolariak   Illuntzean,

                     euskaldun Alkateak Zugaizpean!

                     Geure Gernika'n jaia.

                     Danboliña ta kanpaia!

                     Inguruetan,

                     guda mendietan...

                     Gernika'n jai!

                     giñala gazte baten zai,

                     biotz alai!

                     Menditik orain yetxi da

                     Saseta bere mutillekin,

                     ta kaleak bete dira

                     txaloka artuz aien ikurrin!

                     Gernika yantzi zaigu len bezin eder!

                     Bai eun urte

                     il zala uste...

                     ta ara berriz piztuta ager!

                     Goitik begira ditugun

                     geure asaba zarren poza!

                     Biotzak alaitu itzagun

                     naiz mendietan guda otsa!

Erriak          Yaiki! Yaiki Euzkadi Ama'ren seme!

                     Lege-Zarra,

                     guretarra,

                     datorkigu berriz ere!

Bertsolariak Eup lagun!

                     Ara Agirre nun

                     aurrean degun!

Erriak          Gora! Gora!

                     Lagun gazte,

                     irekin izango gaituk il arte!

Bertsolariak Erriaren semea!

                     Geuk ere, antziñako asabak lez

                     aske bizi nai, geure Legez!

Erriak          Arrotzen mendean iñoiz ez!

Bertsolariak Illuntzean,

                     aldun eta agintarien artean,

                     Agirre Zugaizpera,

                     Alkate yaunen aurrera.

                     Ixilik doa

                     ta erri osoa

                     begira du.

                     Baiñan mendietan oiu...

                     guda-soñu!

                     Batzar-Etxe'ko ateak

                     gizon gazte orri zabaldu!

                     Etxe aurrean, mutillak,

                     euskal Ikurriña goratu!

                     Zugaizpean, Alkateak Agirre'n zai:

                     Agindua,

                     Errikoa,

                     Erriak zion eman nai!

Erriak          Agintza artzean zeure eskuetan,

                     zaitugu, gazte geure Buru!

                     Zorion ta zoritxarretan,

                     bilduko gera zeure inguru!

                     Baiñan iñoiz ez dezazu gero aztu,

                     berriz emen,

                     bein edo bein,

                     bearko zaitugula artu!

Bertsolariak Eup lagun!

                     Ara Agirre nun

                     aurrean degun!

Erriak          Gora! Gora!

Bertsolariak Aritzpean

                     Zin egin bear oraintxe, illuntzean...

                     Zutiñik ta burutsik

                     —Erriak arnasa geratua zun—

                     euskal seme guziak entzun!

                     itz eder auek esan zitun:

                     «Yaungoikoa'ren aurrean

                     burua makur nagola apalik...

                     Geure lur onen gaiñean

                     mendieri begira zutiñik...

                     Euskal Aritz azpian,

                     asabaen gomutaz

                     Zin dagit! Aginbidian

                     asi ta yarraituko dot asuro zintzogaz».

Erriak          Dantza ta Guda mendi goietan...

                     Aupa mutillak! Aurrera!

                     Bakea baitegu biotzetan,

                     ez degu iltzeko beldurra!

                     Euskalerri'ko mutil gazteak,

                     —Aingeru, naiz ta Gudari—

                     gorroto gabe yausiak dira

                     mendigoietan kantari!

© Telesforo Monzon