ILLUNPETAN BEIN...

                        «Bigarren doñuz»

           Gernika'ko yai ondoren, Bizkai guzti

           bete da itxaropenez.

           Goldeak eta arrantza-txalupak utzi

           ta, gurean beti lez,

           legorreko ta itxastar bake zale

           guda-mutil biurtu,

           ta naiz il bera, arrotzaren aurre

           bururik ez makurtu.

           Etsaiak inguratuta giñun.

           Iñorako biderik ez genun.

           Itxasoan etsaia nagusi;

           ezer gugana sartzen ez utzi.

           Legorretik ikusten ziran

           kaiak zainduaz ibillian,

           estaien gudontziak arro...

           ta aien artetik ezin igaro!

           Gau-illunpetan, bein... ontzitxo bat

           izkilluz bete zetorren gutzat...

           Ango gizon —Elkano'ren anai—

           naiz iñor ezin sartu, aiek bai!

           Ontzian Lezo zutik zegon

           sutan ziola: Aurrera gizon!!

           Bilbao'ko kairaño sartu

           ta izkilluak mendian zabaldu!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon