LAU ONTZITXO ZIRAN!

                        «Bigarren doñuz»

           Lau itxasontzi... Gipuzkoa ta Bizkai

           Donosti ta Naparra!

           Arrantzakoak izanda burruka nai

           ta irten ziran gudara!

           Kañoi xar bina, beste izkillurik ez

           ontzi bakoitzarentzat...

           Naparra aundiena, ta arek geienez

           berrogei gizonen bat.

           «Kanarias» lañutatik irten...

           ta «Gipuzkoa» arengana zuzen!

           Gure ontziak artu du sua

           ta garretan kaiara diua!

           «Bizkaia'k» kendu «Kanarias'i»

           oratuta zekarren ontzi.

           Sei orduan yardun ondoren,

           oraindik «Naparra» itxasgain zuzen!

           Azkenean ager zaigu sutan

           ta «Donostia» arengana yoan

           Oiuz deadarka; «Onera igo!

           Bestela or alperrikan ilgo!»

           Aiek erantzun: «Agur anai!

           Azken arte nai diau yarrai!»

           Ontzia yun tala ondora,

           Napar izena, garretan, gora!

Erriak Dantza ta Guda itxasoetan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           itxasoetan kantari!

© Telesforo Monzon