GEURI LURRAK EMATEN INDARRA...!

                        «Bigarren doñuz»

           Yorraillarekin batera asi zitzaigun

           arrotza aurrera naian,

           aurretik esanda zer artuko genun

           makurtzen ez ba'giñan.

           Amar bat egun naikoa zitula

           Bilbo-raño sartzeko,

           ta, artean, birrinduko bat-batera

           Bizkai'ko erri ta auzo.

           Franko'tarren artean ditugu

           doixtar, Erroma'ko eta moru.

           Guk, aien aurka, bertako seme:

           Nekazari, itxastar ta langille

           Gureak eskutsik dirala,

           aien egazki laño dira.

           Gu iñoren laguntzarik gabe.

           Europa erdi bai aien alde

           Baiñan lurra gurea bai genun,

           onek indarra ematen zigun!

           Bular-odolaz igortziz lurra,

           atzera ez nai. Bertan il gura.

           Bizkai mugatik Bilbo'raño

           —bide luzeago, uste baño—

           arrotzak bear izan zitun

           bi illabete t'emeretzi egun!!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon