TABIRA

                        «Bigarren doñuz»

           Euskalerria'n, goizean goiz irtetzen

           langilleak lanera,

           euliak bezelaxe dirala agertzen

           andrak eleiza aldera.

           Menditik bera neskatxa alai gazte

           datoz errira astogain,

           gaztai, arrautza, barazki ta esne

           dakarzkitela salgai.

           Goiz baten Tabirak, esnatzean,

           txori beltzak zituan ortzian.

           Urbiltzen ari zala aien otsa,

           erriak bere gain eriotza!

           Etxeak datoz goitik bera

           —arri ta gorputzak batera—

           zaborretan ager ditugu

           zango ta bular beso ta buru!

           Eleizan kristauak otoitzean:

           Sapaia yausi ta arrapa azpian!

           Apaiz zartxo bat da mezalari

           Yauna eskuan dula ilda yausi!

           Ta Yainkoaren Odol Bera

           ixuri zitzaigun lurrera...

           Onelaxe dala bat egin

           Aren Odol Erriarenakin!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon