SABIGAIN

                        «Bigarren doñuz»

           Semerik seme aitatua izan bedi

           mendi orren izena!

           Ezagutua bai du —zugaitzak begi—

           Gudarien kemena.

           Artzaiak artzen diotela lurrin

           Urkiola zelai gain,

           Bizkai ta Araba arteko mugak urrin

           geure mendi Sabigain.

           Urtero uan, euskal gaztedi,

           Urkiola'n dantza t'erromeri...

           Zelai berean gaur guda-otsa,

           odol, oñazea t'eriotza!

           Gorrotoaz nork ote ditu

           zelai orlegiok gorritu?

           Igo, mutillak, tontorrera

           ta arrotz oiek yaurti goitik bera!

           Bediaga'k, sutan, zin egiña:

           «Goian yarri baietz ikurriña!»

           ta mutil guziak ari yarrai

           belardiak utziz odolez blai.

           Ango, zantzoz, ilda yaustea,

           ta ama!, ama!, oiuz deitzea...!

           Ikurriñakin goia artzean,

           Bediaga'k zauri biotzean!

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru, naiz ta Gudari—

           gorroto gabe yausiak dira

           mendigoietan kantari!

© Telesforo Monzon