LEMONA

                        «Bigarren doñuz»

           Euskotar! Begira eiozu kemenez

           Lemona mendiari!

           Bere bi aldetatik euskal odolez

           busti zitzaigun mendi!

           Alde batekoak euskaldun izan,

           aurkakoak ere bai

           Anaiak alkar iltzen ari giñan

           ta arrotzak orixe nai!

           Yauna! Yauna! —dizugu arrenka—

           ama batek semetzat ba'gauzka,

           euskaldun artean gudarik ez!

           Begi lañoak argitu bitez.

           Entzun anaiak! Zeñek ditu

           gezurrez bete zuen buru?

           Batu gaitezen. Euskalerri

           gurea aiña baita zuen erri.

           Guziok izango gera biar

           damudun seme zintzo ta leial.

           Oroentzat mendi auxe bedi

           ikaslekua ta negar-toki.

           Lemona'n bear gurutzea

           ta bertan itzok idaztea:

           «Emen alkar ildako anai,

           gaituzute batasunaren zai!»

Erriak Dantza ta Guda mendi goietan...

           Aupa mutillak! Aurrera!

           Bakea baitegu biotzetan,

           ez degu iltzeko beldurra!

           Euskalerri'ko mutil gazteak,

           —Aingeru,naiz ta Gudari—

           gorroto gabe yausiak dira

           mendigoietan kantari!

© Telesforo Monzon